星級大搜查丨明星患「另類強逼症」？ Anson Lo狂用濕紙巾 ViuTV女神唔着襪瞓唔著
藝人明星需要面對大眾，不論外型還是演出，難免會有點完美主義，有時更自覺有「強逼症」。今集《星級大搜查》搜查一吓藝人們的「另類強逼症」，看看他們有哪些習慣不做便會「周身唔聚財」。
「造星幫」有潔癖
《星級大搜查》訪問了多位藝人分享自己的「另類強逼症」，由《全民造星》出身的三位新生代偶像Anson Lo（盧瀚霆）、Phoebus（吳啟洋）及Marf（邱彥筒）都各自表示自己有頗嚴重的潔癖。Anson Lo向《星級大搜查》表示一日最少要清潔手機兩次，他說：「出街又會擺喺張枱，跟住我擺埋面度，塊面又會有化妝品。所以返到屋企第一時間做嘅嘢呢，搵消毒濕紙巾抹我嘅手機，朝頭早我起身唔知點解都要抹一抹，我唔做會覺得好辛苦。」
相關閱讀：星級大搜查｜明星揀錶有乜準則？《中聲2》人氣王愛「天價」名錶 兩大娛圈隱藏「錶王」曝光
Phoebus頻密洗手易甩皮
Marf亦同樣是濕紙巾「重度使用者」，她說：「我好鍾意用濕紙巾抹手或者抹嘢，總之我每一個生活嘅程序，都需要起碼一張濕紙巾。」Phoebus則透露自己經常洗手：「做嘢、洗完嘢，點都好，我都會洗一次手，所以我一日可能會洗好多次手。」Phoebus手上經常配戴飾物，由於忍不住要洗手，導致頻繁將飾物戴上後又除下，更因常洗手而有皮膚乾燥情況，他說：「有時天氣乾嘅時候，容易甩皮。」
193不能在外大便
193（郭嘉駿）表示在家以外的洗手間不能大便，他說：「強逼症嚟講我係有非常之多，我唔可以喺出面屙屎，我一定要喺屋企屙屎，所以每一日我係要屙完屎先出門口。每一次我都要逼自己喺屋企屙咗先，因為我喺出面廁所係屙唔到。」王丹妮在睡覺方面也有困擾，「我係必須要返去屋企嗰張床或者酒店房，即係一個好安穩嘅地方，我先能夠瞓到覺。」變相使她在外工作休息時間不能補眠。
相關閱讀：星級大搜查丨明星爆趣洗頭秘招大公開 方力申忌𢯎頭Edan講究地心吸力 娟姐：唔洗太乾淨
沈殷怡與楊偲泳有睡前必做事
ViuTV女神沈殷怡在睡覺時，也有另類強逼症，她向《星級大搜查》分享：「我瞓覺一定要着襪，唔知點解……小學已經有呢個習慣。」更指到外地工作必定不可忘記帶睡覺用的襪，「一唔着襪我真係會瞓唔着。」楊偲泳除了分享睡前必須喝一小口的水，更透露小時候有另一強迫症，她說：「細個係最嚴重，譬如小學（時期），我左手熄完燈，我右手要去同一個燈掣度熄多一次、行格仔又唔可以踩界、擺碗筷一定要擺得好整齊。」
談善言左腳有「優先權」
談善言指自己的另類強逼症是不論穿鞋還是襪，必須先穿在左腳上。她說：「我有試過錯誤地拎咗隻右腳起身，我都會放返低，將隻襪穿返上左腳，着褲都係。」直言約兩、三年前發現自己有這個習慣，但至今仍不知原因。
專家指生活習慣並不一定等於強逼症
《星級大搜查》找來思健心理諮詢中心、香港心理學會註冊臨床心理學家趙思雅講解何謂強逼症。趙思雅指強逼症屬於心理情緒問題，但坊間不少人對強逼症有誤解，以為經常做某一個行為就等於強逼症，有時可能只是一個普通生活習慣。她表示：「強迫症首先要牽涉一個強逼症思想，然後強逼或者重複性做一啲行為。譬如好需要乾淨或者驚有細菌、一定要跟次序、特別忌諱某些事物等等，呢個思想背後係帶住啲恐懼同焦慮，而佢哋為咗減輕佢嘅驚就會重複做啲嘢。」因此受訪明星中，有人會抹東西亦未必等於有強逼症，正如大家會洗澡一樣。
相關閱讀：星級大搜查丨明星千奇百趣恐懼症 P1X3L成員有尖嘴恐懼 糖妹最驚一種聲音 醫生：屬於精神病
強逼症行為藏焦慮情緒
但若不做一個行為後會感到焦慮、驚慌及擔心，或可能有強逼症傾向。趙以Phoebus經常洗手的情況為例：「佢經常洗手，經常消毒嘢，係『經常』，因為佢洗手前佢諗到污糟咗，會有個擔心，然後佢就做洗手呢個動作，可以話係一個補償行為，因為呢個行為係補償咗佢啲驚嘅諗法，好可能係一個強逼症。」
有強逼症人格者大多是完美主義者
至於楊偲泳童年時按燈掣的情況，趙認為可能包含了焦慮的想法：「係一個強逼性規則 ，因為佢唔掂就覺得唔安樂，或者佢份唔安樂背後源自一啲焦慮想法，可能係因為覺得唔平衡。」而談善言穿鞋和襪必須先穿左腳的行為，趙則認為偏向強迫型人格，她說：「強迫型人格喺症狀上嘅強逼行為係比較輕微，特徵係呢一類人性格都係好守規矩。譬如佢著衫只著黑色、屋企個衣櫃擺衫係分開顏色擺，或者啲鞋要一對對擺得好整齊，如果打亂咗佢又會唔安樂。」趙指，這類人大多是完美主義者，「如果做唔到佢要求咁好，佢哋會寧願唔做嗰件事或者由頭再做過，偏固執，唔係好願意改變佢哋個規則。」
相關閱讀：星級大搜查丨新一代「明星街市」大公開 檔主爆陳山聰、陳煒專攻煲湯料 呢個街市外圍最易偶遇藝人
強逼症大多於青少年時已發病
趙思雅強調強逼症及強逼型人格需要觀察很多行為，因此明星受訪的言論未必能完全反映他們是否有強逼症症狀。趙思雅指強逼症大多於青少年時已發病，多數與父母管教方式或對自己太有要求等原因所致，不過如果沒伴隨焦慮等負面情況，也沒有影響生活，其實問題不算嚴重。萬一嚴重到要求醫，便需以心理治療及藥物治療雙管齊下方式方可根治。
你是否認為自己有強逼症呢？不妨留言給《星級大搜查》分享吓！
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
