泰臣：「想『碌卡』搵佢做旁白！」 邀劉松仁出山任舞台劇顧問

藝人泰臣近日為天主教聖瑪加利大堂一百周年舞台劇《百年人海》擔任導演，除率領一眾「教友」演戲外，更邀請劉松仁擔任劇組顧問。這日兩人為舞台劇拍攝宣傳片，未埋位時已經「密密傾」劇本，松哥笑指多年來已學懂「抽離」，今次未有趁機發掘「徒弟」：「我做戲做完就係做完，每次大項目都很大壓力，因為我要思考諗到『頭都爆』，要代入觀眾嘅角度發現問題，同時要諗定點解決！」

松哥在TVB已留意泰臣

松哥笑言未曾和泰臣合作過，但看過對方舞台劇演出，印象深刻：「之後睇佢喺TVB做戲，覺得佢好突出，留低一個好好印象俾我。我唔知佢做導演嘅功力有幾多，但見到佢好投入、好認真，搵咗佢返嚟呢個係聖堂嘅福氣。」泰臣喜獲松哥認同，表示定必使出渾身解數，更自爆想邀對方出山任劇組旁白：「我有問佢啊，但佢冇覆我！不過佢剛剛話『賣關子』先，即係都仲有彎轉有機會嘅！今次素人劇組比咗好大驚喜我，除咗松哥比好多意見我地，仲有唔同界別精英幫忙，真係發掘唔少寶藏！」

泰臣邀請劉松仁擔任劇組顧問。

泰臣近日為天主教聖瑪加利大堂一百周年舞台劇《百年人海》擔任導演,

松哥笑指多年來已學懂「抽離」，今次未有趁機發掘「徒弟」。

二人一齊指導演員的演技。

泰臣喜獲松哥認同，表示定必使出渾身解數。

泰臣更自爆想邀對方出山任劇組旁白。

泰臣大讚今次素人劇組比咗好大驚喜佢。