深水埗電子特賣城「自助開單」方便造假單？收據自取公司印自蓋 大律師斥：給人機會造假｜Juicy叮

「旺場之最」的深水埗電子特賣城「自助開單」的方式引發爭議，店家貼告示，容許顧客自取自發收據，更提供公司印章供顧客自蓋，大律師指有關做法「不值得鼓勵」：「即係無掩雞籠畀人哋製造假單。」

大律師又指，若店家供顧客自助開單未有「留底」，日後稅務局核數亦會構成問題。

深水埗電子特賣城「自助開單」方便造假單？收據自取公司印自蓋 大律師斥：給人機會造假↓↓↓↓

人流暢旺的深水埗電子特賣城以自助方式，由顧客自行開收據，店內更貼出「溫馨提示」的告示，表示：「收據請自助！印章請自蓋！」

有關做法在社交平台引起網民關注熱議，反應兩極，部分網民質疑做法方便造假：「方便做假單？」「開假數？」有網民亦關注做法有否違反相關的稅務條例。

不過，有網民則大讚自助開單方便：「快捷簡單。」「高效率。」

方便造假？網民反應兩極

大律師陸偉雄接受《星島頭條》查詢時指出，店家將開發收據的工作「下放」給顧客自助，做法不值得鼓勵，雖然店家做法無違法，但卻鼓勵及製造不必要機會，給人做假數假單。

他表示，如店家因人流眾多開單「覺得煩」，可以開收據時「寫得簡單啲或用其他方法」，「無理由將發單程序交畀顧客去做，即係無掩雞籠畀人哋製造假單。」

大律師：若顧客自助收據無留底 日後稅局核數或有問題

他舉例指，若有顧客為公司採購買20元貨物，自行開單200元並出公數，便涉嫌製造及使用虛假文書，雖然事件中有關店舖沒違法，但卻因製造有關機會，上到法庭估計「個官一定會鬧嗰負責人」。

他強調：「作為負責任嘅店鋪負責人，唔應該咁隨意畀人蓋佢公司印，每一個印都應該係獲受權，同埋張單係真，你至會蓋印，你依家放個印出黎，雖然無違法，但完全接受唔到。」

對於做法有否違反稅務條例，陸偉雄指出，若顧客自助開收據，店家沒有「留底」或存根，便留有逃稅空間的嫌疑，日後稅局核數可能會構成相關問題。

同場加映：深水埗排檔賣$35衫「唔畀check」 事主揭嬲爆後續：好彩冇買到！↓↓↓↓

事主在帖文中表示，當日下午，他經過深水埗福華街一個排檔

買了三件衫，並準備付款。

在付款前，他「想反轉睇下啲車線有冇爆爛」

這時一名男店員「即刻衝過嚟話：『我啲衫全部爛嘅，你唔好買呀！』」

「跟住仲要繼續鬧，話：『三十幾蚊件衫都要check？』」

事主拍下當時被辱罵的情況，見該男店員見事主拍攝，仍未有收斂氣燄。

男店員揚起事主本欲購買的衫

他對著鏡頭大聲喊道：「35蚊一件衫呀，逐個線步，逐個線步，睇吓有無爛呀！」

他再貼近鏡頭大聲說：「咁平嘅嘢都仲要睇得咁清楚呀，影住佢呀！」

片段聽到事主回應：「好呀，多謝你呀，35蚊唔係錢呢嘅！」

店員這時不理事主，拿回衫，走返鋪位。

事主在帖文中批評：「痴線㗎？三十幾蚊唔係錢呀？執到都要check下啦！......香港的零售業死得咁快，就有呢啲人！」

不少網民亦留言斥責店家欺客的行為：「趕客，抵你冇生意，等執笠啦。」

網民：「唔怪得香港人淘寶，洗錢仲要受你氣，都唔知乜野服務業。」

其後，有疑似街坊的網民透露，該排檔多個賣衫舖，經營者疑似是「一家人」，「......成家有個肥亞媽，兩姐弟，係度搵食......」

事主在回應網民時亦交代後續情況。

他表示最後三件衫「佢搶返曬，唔賣畀我」。

「跟住我行到街尾，原來賣25蚊！好彩冇買到！」

有網民懷疑店員賣平價衫見客查驗即發爛渣，可能「咁反應應該真係賣爛衫」。