大埔巴士車長被斥「心地唔好」 大站無撳鐘明知有落拒停：「再唔撳鐘車晒你哋返火車站」｜Juicy叮

有疑似大埔巴士車長在社交平台發引戰文，「炫耀」自己因為乘客無撳鐘而飛站，疑明知大站亦未有停站，他駕駛來往火車站的循環線，揚言：「......唔撳鐘丫啦......再唔撳鐘就車晒你地返火車站。」又對留言反駁的乘客說：「仲想駁嘴丫啦，人嚟......掌嘴。」

涉事為九巴71S線，循環來往大埔（富善）及廣福，途經大埔中心（南運路）及港鐵大埔墟站。該路線只於星期日及公眾假期提供服務。

大埔巴士車長被斥「心地唔好」 大站無撳鐘明知有落拒停：「再唔撳鐘車晒你哋返火車站」↓↓↓↓

有懷疑71S路線的巴士車長在社交平台Threads發帖，帖文附有該巴士的照片，並寫著：「廣福街市唔撳鐘丫啦，全部人載晒去宏福苑落車，再唔撳鐘就車晒你地返火車站。」

該車長似因乘客在「廣福街市」車站無按落車鐘，結果全車人車去下一站「宏福苑」才落車。

車長在回應留言時表示，當時「有個阿叔（乘客）話（「廣福街市」是）大站嚟，一定要停站」，他回覆說：「我話第一日返工，唔識你地所謂嘅大站，總之有撳鐘就有停站。」

帖文引發網民熱議，涉事巴士車長亦積極回應網民留言。

網民：你冇做錯，但係心地唔好！

有網民批評車長明知有人落車，但因無撳鐘而拒停，是「心地唔好」：「你冇做錯，但係心地唔好！！！因為我睇你所寫嘅嘢，其實你係知道佢哋想落車，而你因為冇人撳鐘而唔停車，即係你內心明知有人係需要落車，而你希望佢落唔到車。」

該車長回應說不懂讀心：「點樣可以內心明知有人要落車，我唔識讀心術，想請教。」

街坊望車長有同理心：條線多老人家搭 有時忘記撳鐘

有街坊留言指出，該條巴士路線多長者乘搭，希望車長能夠多多體諒長者：「你揸開呢條線都應該知道屋邨都係老人家多，有時佢哋真係忘記咗撳鐘，以為有人撳咗自己就無去撳。」

他呼籲車長道理無錯，但要有同理心：「廣福街市都係多人落嘅站，希望下次就算無人撳鐘你都停一停，睇下會唔會有人想落車。道理上你無錯，但我相信你有同理心。」有網民亦提醒車長「規則是死既，人係生既」。

不過，該車長仍堅持撳鐘才停車，他回應說：「上次有人鬧站長冇同情心，今次就鬧車長冇同理心。」

車長風騷回應支持者：仲想駁嘴丫啦，人嚟......掌嘴

有網民則表示：「我之前都試過玩電話被車長飛左個大站，而家識得第一時間撳鐘仔。」車長回應：「咁就乖啦。」

有網民支持車長在無人撳鐘下飛站：「大大師兄好波！」車長回應非常風騷：「仲想駁嘴丫啦，人嚟......掌嘴。」

部分網民留言支持車長：「個個站都大站？冇人撳鐘冇人遞手就梗係走啦。」「啲人要落車唔按鐘，預個司機會通靈定讀心術？最憎人老奉。」

「搭巴士唔撳鐘就係會飛站㗎啦，除非個站有客要上車，啲人要落車自己唔撳鐘，關司機咩事。」

來源：houmacau＠Threads

同場加映：城巴車長勒令榴槤客落車掀法律爭議 帶榴槤唔准搭巴士？大律師指這情況下或違法↓↓↓↓