JACOMAX上環店6.30結業 老闆透露「租金傾唔埋欄」 食客嘆：有生意都做唔住

結業潮持續，擁4間分店的人氣Pizza店「JACOMAX」日前宣布開業14年的上環分店將於本月底（30日）結業「壽終正寢」。身兼YouTuber的「JACOMAX」意大利老闆Jacopo（中文名：周洪賓）在社交平台發文，指由去年11月起一直與業主討論續約租金，稱已盡力但可惜「傾唔埋欄」，直言「呢個時勢真係無辦法」。他又在帖文透露，指銅鑼灣分店8月亦租約期滿，表示現正「盡力傾緊」。

去年11月起討論續租惟「傾唔埋欄」

周洪賓在帖文指對於結業感難過，「可以keep我哋都盡力想留住，但可惜我唔係業主」，指「呢間鋪無令到我哋大富大貴，但養大咗我一對仔女」，相信一切都是最好的安排。他指到最後只想衷心多謝每位來食過Pizza的朋友，呼籲食客若有很多珍貴回憶，歡迎隨便「拎隻碟、拎啲你鍾意嘅野走，同我哋同事講聲就得」。

「JACOMAX」日前宣布開業14年的上環分店將於本月底（30日）結業「壽終正寢」。JACOMAX FB圖片

「JACOMAX」老闆Jacopo發文，指由去年11月起一直與業主討論續約租金，稱已盡力但可惜「傾唔埋欄」。JACOMAX FB圖片

Jacopo指「呢間鋪無令到我哋大富大貴，但養大咗我一對仔女」。JACOMAX FB圖片

他呼籲食客若有很多珍貴回憶，歡迎隨便「拎隻碟、拎啲你鍾意嘅野走，同我哋同事講聲就得」。JACOMAX FB圖片

Jacomax一向售賣具特色pizza，包括藍芝士蘋果Pizza。JACOMAX 網站圖片

網民嘆業主「吸血」：飲食業就係死喺啲租金度

有網民和食客湧到帖文下留言，慨嘆香港業主「吸血」，有網民直言「香港飲食業就係死喺啲租金度，有生意都做唔住，生意越好，業主加租，死得越快」；亦有網民反問「啲業主幾時先醒覺？佢啲已經有間舖，仲要咁打壓想出人頭地嘅人！」

Jacomax主力售賣具特色Pizza，包括藍芝士蘋果Pizza、自嘲「激死意大利人嘅菠蘿夏威夷Pizza」等。老闆Jacopo去年5月創立YouTube頻道「Jacopo Only Friends」，指自己希望可以成為「講廣東話最叻嘅意大利人」，並以廣東話拍片分享不同本地食肆的食評等，目前頻道有6.3萬用戶訂閱。

Jacomax一向售賣具特色pizza，包括自嘲「激死意大利人嘅菠蘿夏威夷Pizza」等。JACOMAX FB圖片