專欄 蘇蝦仔｜世冠盃改制有新鮮感

32隊制的世界冠軍球會盃，在一片疑惑聲下拉開戰幔。首先第一個觀感是良好的，皆因有串流平台全程免費直播，登記前雖然寫明畫質或會較低，但觀看後比預期好，而且在平板或手機透過應用程式收看，可以投射到電視，的確不錯。
而開賽前擔心一眾歐洲勁旅會否Hea踢，影響比賽質素，從第一輪所有球隊出場後所見，全部歐洲隊都十分認真。拜仁慕尼黑對業餘的奧克蘭，半場領先6球下，仍一直圍攻最後贏10︰0；巴黎聖日耳門、車路士、曼城、皇家馬德里和馬德里體育會等雖然命運不同，但全部都落足力。
歐洲豪門落力巴西球隊技高當然最重要是新鮮感，一些耳熟能詳但甚少可以從直播見到的球隊，可以一次過睇晒。阿根廷球隊果然如報道般又勇又茅，小保加、河床全部攔截都要波要腳；巴西球隊明顯技術含量高，但更有趣的是幾支巴西隊踢法完全不同，富明尼斯和法林明高行軍上較似歐洲球隊；保地花高就森巴味重。
而沙特豪門希拉爾經過重金打造後，找到星級教練、當打名將，實力的確不俗，與未上力的皇家馬德里有來有回，8強應該無問題；沙治奧拉莫斯去到蒙特雷，原來仲打得，該隊亦是黑馬之一。首屆世冠盃的觀感比想像好，未來3星期就唔怕悶﹗蘇偉業