黃淑蔓Feanna 24歲生日突擊應援店打卡 遇嚇呆粉絲送抱抱定驚

「寰亞孻女」黃淑蔓（Feanna）今日（8日）迎來24歲生日，日前她去到Fans應援咖啡店打卡，一推門走進咖啡店，看到漫畫版的自己和喜愛的Chiikawa動漫角色「飛鼠」，以及心形靚相牆，Feanna忍不住大叫「好靚呀」，對Fans送上的花束和禮物亦愛不釋手。

黃淑蔓生日願望好貪心

期間一位客人入店買咖啡，就是為了Feanna的生日應援禮物，想不到回頭見到本尊，立即驚喜到呆了，笑言比中大獎更開心，Feanna說：「Fans為我搞生日應援，我嚟支持自己！做咁多布置和應援物，要花好多心機、時間、愛，我真係好感動。」並開心分享生日願望最重要身體健康、工作順利，做自己喜歡的事，日日開心，又說：「去年同埋去去年嘅生日願望都係瘦身成功，今年有少少成績啦，我唔會鬆懈，繼續努力！」

今年是Feanna出道10周年，坦言好想推出作品送給這10年的自己，自爆有開個人音樂會的心願。對於新歌《未至於》推出後，Feanna與不少歌手朋友在IG聯乘合唱版，她說：「呢10年裏識咗好多圈中朋友，我好鍾意搵佢哋傾偈，好想有機會同大家collab（合作），就膽粗粗廣發邀請。好開心好多朋友願意幫我，同我一齊唱，好感動。我同每一位合唱嘅時候再傾多咗偈，更多bonding（緊密關係），多謝大家嘅幫助和愛。」稍後Feanna會跟鄭伊健到美國及加拿大為「Here & Now 2025 EKIN IN CONCERT鄭伊健演唱會」巡唱演出，她興奮及期待，透露會帶遊戲機去和伊健哥哥玩。

「寰亞孻女」黃淑蔓（Feanna）今日（8日）迎來24歲生日。

Feanna日前去到Fans應援咖啡店打卡。

稍後Feanna會跟鄭伊健到美國、加拿大為「Here & Now 2025 EKIN IN CONCERT鄭伊健演唱會」巡迴演出。

Feanna自爆開個人音樂會是心願。

新歌《未至於》推出後，Feanna與不少歌手朋友在IG聯乘合唱版。

Fans遇到偶像Feanna，笑稱開心過中獎。

Feanna已經出道10年。

Feanna迎來24歲生日。

Feanna說：「Fans為我搞生日應援，要花好多心機、時間、愛，我真係好感動。」

Feanna為支持者簽名。

Feanna生日願望有好多︰「最重要身體健康、工作順利，做自己喜歡的事，日日開心。」

Fans為Feanna辦24歲生日應援，壽星女到咖啡店打卡。