林德信密密賺奶粉錢 習慣身份不停轉變 想嘗試「父女檔」拍廣告

新手爸爸林德信（Alex）近來搞作多多，除了忙於音樂創作外，亦拍攝廣告賺奶粉錢，自在應對不同身分的轉變。廣告中，Alex穿上極具彈性的恤衫做瑜伽，又陶醉彈結他，他表示：「工作上我都好多崗位，有時係音樂人、有時係瑜伽老師，去到片場我係演員，返到屋企係人哋老公同爸爸，同一日時間內身分不停地轉換，所以衣着都係百搭最好。而我通常都係着白色衫，比較容易搭襯同簡約。」

最愛被女兒嗲

Alex笑言已習慣湊女，表示「有彈性」的衫最為方便：「以前揀衫最緊要係好睇，𠵱家揀衫就要多埋『彈性』，因為有時抱囡囡、佢會扭嚟扭去，有彈性嘅衫就方便照顧佢！同佢玩『飛高』、比佢『嗲』真係好有滿足感，即使工作幾忙碌，只要湊住佢咩煩惱都會唔記得晒！」Alex亦唔介意「父女裝」上陣去街，將來如有適合的機會也可嘗試「父女檔」拍廣告，留下美好回憶。

林德信最近拍攝廣告賺奶粉錢，自在應對不同身分的轉變。

Alex穿上極具彈性的恤衫做瑜伽。

又陶醉彈結他。

Alex笑言已習慣湊女。

早前參與HOY TV劇集拍攝。

林德信說將來如有適合的機會也可嘗試「父女檔」拍廣告，留下美好回憶。