端午節｜重溫龍舟競渡撞船「薩莉亞之役」 網民大膽翻譯大叔怒喝「薩莉亞」意思｜Juicy叮
端午節龍舟競渡。有網民近日重溫2022年10月一場有驚無險，被命名為「薩莉亞之役」的龍舟撞船意外。期間，捱撞大叔划手怒喝的一聲「薩莉亞」，被網民大膽地翻譯出各種意思來。詳情見下圖及下文：
端午節重溫龍舟競渡撞船「薩莉亞之役」 逐張睇↓↓↓↓
大叔划手捱撞後「瞓晒身」
先重溫事件經過。事發於2022年10月2日，屯門青山灣避風塘舉行「屯門慶國慶暨香港回歸祖國二十五周年龍舟競渡」期間，有龍舟相撞，當時網上瘋傳一段從捱撞4號龍舟尾拍攝的直擊短片。
短片長約1分56秒，見到開賽後過程順利，但到35秒便開始出現驚險畫面，後上的3號龍舟入鏡，打橫高速向4號龍舟推進，背景嘩聲四起。
最終，3號龍舟的船頭應聲撞向4號船，船尾一名健碩的大叔划手，胸口被龍頸正面襲擊，捱撞後一度「瞓晒身」倒臥龍舟上。大叔奮力翻身後即以粗言穢語破口大罵，期間提到「次次都係你」、「有邊次唔Ｘ係你㗎」。
怒喝一聲「薩莉亞」成經典
大叔洩憤後坐下準備繼續划船時，卻懷疑發現划槳受損，換新槳後氣上心頭，再次站起展開新一輪粗言穢語怒罵攻勢，期間大喝的一聲「薩莉亞」成為經典。
幸而事件有驚無險，網民今年回帶重溫這場「薩莉亞之役」時開心爆笑，有人稱「每年端午節都要睇」、「睇幾百次依然笑到肚痛」、「每次睇都笑到眼淚都標埋」、「重複睇咗好多次，救命笑到收唔到掣」、「年年都差唔多要睇一次！提醒各位龍舟好友，小心駕駛！」。
接著有人講出重點「好好笑，雖然唔知點解講薩莉亞」，於是網民便大著膽子去替大叔翻譯，「口音錯，佢應該係講，殺人啊」、「上嚟呀」、「曬你冷」、「刹埋嚟」。有人更笑言「我以為條龍舟係薩莉亞贊助」、「佢可能嬲到想變超級薩莉亞人」、「扒龍舟體力消耗咁大係會想食薩莉亞補充體力」。
不過，有細心的網民替大叔說公道話，指：
•死得人㗎！好痛，好彩無事」；
•係咪只有我關心咁樣撞埋去啊叔痛唔痛；
•每次睇到呢條片都係忍唔到笑，阿叔真係好慘；
•睇見都覺得痛，會唔會撞到內傷。但真係好好笑；
•睇咁多次都係笑到Ｘ街，但是笑還笑，咁撞法隨時可以傷得好重 ；
•其實邊個位係好笑？咁樣撞埋嚟仲要夾一夾，木+衝擊力，可大可小；
•其實咁多人攞人哋整親嚟笑真係好咩，睇咗好多次都淨係覺得個叔叔好痛。
資料來源：timable＠Threads
相關閱讀：屯門龍舟競渡驚險意外 划槳手遭鄰船撞倒辣㷫爆粗：X你老X
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
