光明大押丨Edan呂爵安為AK MV抄襲平反 : 啲人放大咗 即場反白眼稱花姐已昇華似阿媽 不清楚節目與旅行社侵權問題

謝君豪、呂爵安（Edan）、練美娟、廖子妤（Fish）和栢天男等今日（29日）出席ViuTV原創劇《光明大押》記者會。

Edan稱好多MV都有瞓棺材情節

提到繼隊員李駿傑早前新歌MV被指抄襲後，最近江𤒹生（Anson Kong）新歌《心死了幾百次》MV瞓棺材一幕又被質疑抄襲。Edan說：「其實好多MV都呢個瞓棺材情節，有時啲人將啲放大咗！可能資訊太發達，有人喺網上講句嘢就變咗風波，可能係好主觀睇法。我覺得MV或劇集好多呢啲嘢發生，但絕對唔會抄襲。（出歌會否好謹慎？）好多時自己會參與創作，一開頭做唔係Copy人哋，但出到嚟被人話似都無辦法，最緊要自己知無做呢件事，心安理得就可以。」

Edan望減輕花姐負擔

對於在節目節目名《呂濤米Lo 花SonShow》中跟花姐深情對話，令Edan感動到眼濕濕。Edan坦言花姐很愛錫他們，大家經歷很多事情，更是第一次深情對話。他說：「佢真係好緊張我哋，希望減輕佢負擔，多過帶擔心畀佢。（節目後花姐多咗搵你？）都有酌量，依家佢咗昇華到唔係經理人，似阿媽咁乜都講。（花姐係虎媽定慈母？）又慈又虎啦！佢以前真係霸道，但依家慈母多咗。」當笑指節目中花姐表示Edan少反白眼給她看，Edan即向鏡頭反白眼，並謂稍後會傳給花姐睇。談到花姐指他跟入行初期有所改變，Edan坦言現在成長了，加上關係緊密，所以可以將所有經歷都跟她分享。問到感情事會否分享？他說：「所有嘢都分享。」

謝君豪、呂爵安（Edan）、練美娟、廖子妤（Fish）和栢天男等今日（29日）出席ViuTV原創劇《光明大押》記者會。

提到劇中Edan分別跟廖子妤及陳紫萱有感情線，豪哥笑言各類型女生也有。

謝君豪大讚Edan和娟姐好腳頭，該劇首播後即得獎。

一眾演員出席ViuTV原創劇《光明大押》記者會。

提到AK新歌MV瞓棺材一幕又被質疑抄襲，Edan說：「其實好多MV都呢個瞓棺材情節。」

謝君豪為《光明大押》任監製兼主演。

Edan覺得MV或劇集好多呢啲嘢發生，但絕對唔會抄襲。

最近謝君豪憑《天下第一樓》於上海「壹戲劇大賞」再度榮登劇帝。

Edna日本工作容後公布

提到有指為節目《呂濤米Lo Seoul》贊助商的某本地旅行社，在未經授權下使用節目片段。Edan表示早前不在港，對事件不太清楚，但拍攝時很暢順，總之希望拍得開心，大家又睇得開心。另外，提到在社交網透露到日本工作，Edan表示到當地拍攝，詳情稍後再講。

謝君豪讚Edan、娟姐好腳頭

為《光明大押》任監製兼主演的謝君豪，最近他憑《天下第一樓》於上海「壹戲劇大賞」再度榮登劇帝。謝君豪笑言要請大家吃飯，但未知幾時同食幾多餐，因為太多慶祝派對，又大讚Edan和娟姐好腳頭，該劇首播後即得獎。娟姐笑言未曾跟豪哥合作，獲得公司通知她參演該劇，感覺自己好似被「點燈」一樣，開心到睡不著幾晚。謝君豪指雖然做監製辛苦，但作為新人覺得過程好開心，亦開發到其他思維覺得好過癮。

Edan坦言花姐很愛錫他們，大家經歷很多事情。

Edan說：「佢真係好緊張我哋，希望減輕佢負擔，多過帶擔心畀佢。」

Edan說花姐昇華到唔係經理人，似阿媽咁乜都講。

談到花姐指他跟入行初期有所改變，Edan坦言現在成長了，

向四周粉絲打招呼。

有指為節目《呂濤米Lo Seoul》贊助商的某本地旅行社，在未經授權下使用節目片段。Edan表示早前不在港，對事件不太清楚。

娟姐笑言未曾跟豪哥合作，獲得公司通知她參演該劇，感覺自己好似被「點燈」一樣。

節目中花姐表示Edan少反白眼給她看，Edan即向鏡頭反白眼。

搵MIRROR參演由Edan挑選

提到劇中Edan分別跟廖子妤及陳紫萱有感情線，豪哥笑言各類型女生也有，在旁的娟姐即自薦下次要演Edan女友。Edan即說：「交畀當鋪老闆啦！」娟姐笑指Edan不選擇她不緊要，反正劇中的她有大把男友，但全部過眼雲煙，雖然人生大多配肥仔，今次則有好多猛男。談到下次任監製開新劇可會邀請MIRROR成員參演，豪哥笑言會交給Edan挑選，
不過睇過AK演出舞台劇大讚演得好。Edan即搞笑隊友想演出就要巴結他。