呂濤米Lo 花Son Show丨Jeremy與花姐曾因誤會互相憎恨冷戰 花姐主動破冰解開心結 最大心願希望Jeremy有拖拍

ViuTV節目《呂濤米Lo 花Son Show》將於星期一至四（26－29日）晚上10時30分播放。今晚（28日）播出的一集，Jeremy將會和花姐暢談心聲。Jeremy指知道被選中入「妹豬組」時感到壓力，曾直言自己「死硬」。面對3位被外界稱為「上弦」的成員，他坦言曾擔心自己未能為團隊貢獻：「再加埋所謂上、下弦嘅標籤，就俾咗一個好大嘅框架自己。紅唔紅或者有無人氣唔係自己控制到，所以專注做返好自己就夠」。

花姐笑言破冰過程似「溝仔」

Jeremy分享指曾與花姐因誤會互相憎恨而冷戰，姜濤亦十分擔心2人關係會惡化：「嗰段時間有好多誤會。憎你唔係因為我無得出Solo，唔知點解突然之間你對我好有惡意。中間發生咗啲誤會，我有解釋過唔係我做，但係你唔聽我解釋。」 他表示未出Solo前是人生低潮時期：「人生最黑暗的時期，好多煩惱充斥着我嘅生活。嗰陣時成日喊，都唔知未來要點算，經理人又唔鍾意我啦，MIRROR又唔知會點啦」。花姐笑言破冰的過程就好像「溝仔」一樣，Jeremy分享在飛機上與花姐解開心結。他坦言經歷此事之後，明白到心態可以改變事情的好壞和隨遇而安。

Jeremy 公開擇偶條件只需要笑得靚和專一就可以。

Jeremy 和花姐暢談心聲。

Jeremy表示未出 Solo 前是人生低潮時期。

Jeremy曾與花姐因誤會互相憎恨而冷戰。

Jeremy擔心自己未能為「妹豬組」作出貢獻。

花姐指最怕 Jeremy 會孤獨，不停催促其要談戀愛。

公開招親和擇偶條件

提及到最擔心對方的一件事，花姐指最怕Jeremy會孤獨，不停催促其要談戀愛又直言要幫忙物色對象，令他哭笑不得。Jeremy公開擇偶條件只需要笑得靚和專一就可以。他坦言單身的原因都因為備受韓國偶像文化影響：「拍拖其實對於一個偶像嚟講係一個好大嘅風險，因為好多Fans都係對你有遐想嘅階段。同時間又真係無對象出現過。咁就啱啱好，唔洗煩」。花姐坦言自己最大的心願就是Jeremy可以找到另一半。最後，2人公開招親呼籲有意認識Jeremy的朋友可以直接聯絡本人或者花姐。