呂濤米Lo 花Son Show丨Anson Lo即場卸妝素顏與花姐傾心事 曾擔心「妹豬組」加劇粉絲紛爭 釋懷看待Haters批評：我又無傷害任何人

ViuTV節目《呂濤米Lo 花Son Show》將於星期一至四（26－29日）晚上10時30分播放。每個成功的男人背後都會有一個默默支持的女人，而MIRROR背後的女人就是黃慧君（花姐）。花姐由《全民造星》的監製到現在成為他們的經理人，一同走過高山低谷。只有她才能打開MIRROR的心扉，與「妹豬組」成員逐一展開深情對話。

AL曾選擇封閉自己

今晚（27日）播出的一集，Anson Lo將會和花姐分享心裡話。面對妝容的批評，Anson Lo罕有地即席卸妝，以素顏示人。他指「妹豬組」的成員組合「無創意」，表示想加入Band小組挑戰彈吉他和打鼓。Anson Lo表示《Strawberry Love》的反應未如預期，更為Fans之間帶來紛爭：「嗰時我地都有自己傾過到底呢個組合會唔會繼續呢？會唔會好多事情都徒勞無功？」他坦言曾擔心Fans之間的爭執會影響成員對自己的看法，而選擇封閉自己：「不如唔好同大家接觸，工作同私底下都係自己一個，咁咪唔會出現唔想見到邊個同邊個玩，咁就係咪可以一了百了呢」。花姐表示知道他與隊員相處融洽，但為了舒緩Fans的鬥爭而選擇在公開場合故意避開，感到很心痛。

Anson Lo罕有地即席卸妝，以素顏示人。

Anson Lo和花姐分享心裡話。

Anson Lo坦言曾擔心Fans之間的爭執會影響成員對自己的看法，而選擇封閉自己。

Anson Lo真實膚色比化妝後更白。

Anson Lo理解Fans未必會喜歡MIRROR每個成員。

面對Fans惡意貶低成員的想法時，Anson Lo慨嘆指「可以唔愛，但唔可以傷害」。

「點解唔做自己喜歡嘅嘢呢？」

面對Haters的看法，Anson Lo指現時慢慢學習釋懷，不再容易受到周遭的人事影響。他笑言現在有幸得獎時，會大方接受：「記得第一次攞「Chill Club年度男歌手」金獎，我係好驚。攞到嗰下覺得死啦我係咪唔值得、大家會點諗呀、今晚之後就一定會係咁係到鬧我呀、定係我唔攞好啲呀。宜家攞獎個陣，會自信啲。既然有呢個機會拎到獎，就大方去講自己想講嘅嘢。無論我大唔大方講，唔鍾意嘅人都係會鬧，咁點解唔做自己喜歡嘅嘢呢？而我又無傷害任何人」。

AL理解粉絲未必喜歡MIRROR每位成員

被問到看待極端Fans惡意貶低成員的想法時，Anson Lo慨歎指「可以唔愛，但唔可以傷害」，坦言理解未必會喜歡每個成員：「如果你鍾意哂MIRROR 12個人，咁就梗係最好啦，亦都係我地最想睇到嘅畫面。但係如果唔係嘅話，完全無問題。如果你想某個人好，咪專注喺某個人身上。我覺得會減少好多紛爭」。