西環4口家奶茶店善行獲表揚 目擊者爆可敬細節：邊個話香港人冇質素？｜Juicy叮

有網民目睹西環一家4口在珍珠奶茶店外的善行，他在社交平台發帖高度表揚：「你哋係一個超級超級值得仔女自豪嘅父母同埋家庭」，他在帖文細述當日細節後坦言：「邊個話香港人冇質素？」

西環4口家奶茶店善行獲表揚 目擊者爆可敬細節：邊個話香港人冇質素？↓↓↓↓

樓主在「西環變幻時」FB專頁發帖表示，當日坐車返家時，經過西環山道一間珍珠奶茶店，目睹這一家人的善行。樓主在帖文中表示：「唔知道呢一個西環家庭喺唔喺度，但係我好想講一聲，你哋係一個超級超級值得仔女自豪嘅父母同埋家庭。」

樓主說，這家人當日在店外，「唔知道倒瀉咗珍珠奶茶定係雪糕，定係係嘔吐物」，他看到他們並沒有馬上離開，反而蹲下來清潔，而且不是簡單的清潔，而是非常仔細的清潔，細緻程度令人動容。

樓主形容當時細節：「我見到呢位年輕嘅爸爸好仔細清潔，一個一個嘅污漬都用膠袋攞返起嚟。」

「爸爸成為仔女的榜樣，媽媽成為不責備的開始」

不只如此，這位年輕爸爸細細清潔時，身旁的媽媽「冇責備任何嘅人，連仔女都繼續開心地睇住爸爸做嘅嘢」。

樓主被現場畫面深深觸動，他說：「爸爸成為仔女嘅榜樣，媽媽成為不責備的開始，我覺得係一個超級好嘅父母。」樓主最後總結說：「邊個話香港人冇質素？」

樓主其後再補充說：「佢哋孕育咗一個孩子，但佢哋嘅行為同榜樣，會為香港帶來希望。他們是一對絕對優秀的父母。優秀在於品德。希望他們繼續努力，希望孩子們繼續快樂努力成長。」

網民：敬禮！用生命影響生命！

帖文引發網民熱議，不少人留言表揚這家庭：「敬禮！」「一向都話身教最重要。」「多謝你嘅分享，希望可以用生命影響生命。」

「好羨慕呢啲小朋友，以前個年代，呢啲𡃁仔會喺街上被父母鬧，甚至已被打一巴，願所有小朋友有個美滿嘅童年，同合情合理嘅父母。」

來源：Matthew Cheng＠西環變幻時FB

同場加映：女子油麻地暈倒車旁途人合力施援 20分鐘救援過程感動小紅書男：「香港人的善良是刻在骨裏！」↓↓↓↓