黃宗澤《執法者們》破3億播放量續集想預林峯與吳卓羲︰馬國明同陳豪都要打

邵氏與優酷聯合出品之劇集《執法者們》，自播出以來得到觀眾熱捧，昨日於內地已突破3億播放量，一眾演員感激觀眾支持，馬國明期望可以開拍續集，讓三大男神再一次合體，創收視奇蹟。

馬國明希望香港盡快播

集合三大視帝黃宗澤（Bosco）、馬國明與陳豪主演的《執法者們》，劇情進入結局篇，Big Boss漸露真身，令觀眾睇得肉緊，以致播放量再創新高。馬國明見證播放量不斷上升，感到振奮：「好多謝觀眾鍾意呢齣劇，真係好希望好希望公司可以原班人馬再開續集，同埋咁好嘅劇，希望香港可以盡快播出啦！」

Bosco認同三人合作確實有效果，他有新建議：「希望樂小姐（樂易玲）捉埋吳卓羲同林峯，五個一齊就更加好玩，我相信都冇乜可能……哈！如果真係開續集，我希望啲打戲可以分勻啲，馬明要打，陳豪又要打，唔好集中我一個。」陳豪非常感謝觀眾對劇集的支持，能夠得到3億播放量令人鼓舞，好幸運能參與這次的製作，他說：「好期待拍續集，畢竟第一次合作就能夠得到好成績，亦希望好成績可以延續落去。」

女主角的蔡潔，被大奸角林嘉華槍殺身亡，把劇情推上高峰，蔡潔說：「近日好多粉絲話，好希望我個角色何天茹可以復活，我叫大家集氣到3億播放量啦，可能會再見到佢，估唔到咁快就3億，真係好開心，好快就大結局，大家睇吓會唔會願望成真。」

《執法者們》雲集三大視帝馬國明與黃宗潭、陳豪主演。

《執法者們》昨日在內地突破3億播放量，劉佩玥擺3字手勢。

馬國明希望香港觀眾快啲睇到《執法者們》。

《執法者們》羅子溢隸屬重案組。

陳豪演律政司副刑事檢控專員。

集氣蔡潔嘅角色就會復活？

劉穎鏇飾檢控官。

梁競徽與劉佩玥有感情線發展。

黃宗澤係重案組高級督察。

丁子朗演古惑仔，有情有義。

陳瀅同ICAC高級調查主任馬國明有感情線。

馬國明希望原班人馬開拍續集。