衛蘭任Sammi澳門個唱第7場嘉賓 感激對方鼓勵減肥：你畀咗我好多信心！

天后鄭秀文（Sammi)昨晚在澳門威尼斯人金光綜藝館，舉行第七場「You & Mi鄭秀文澳門演唱會2025」，邀請衛蘭（Janice）擔任表演嘉賓。在「眼淚系列」環節，Sammi穿上殿堂級時裝設計師Tomas Chan為她度身訂造，充滿淒美意境的「五臟六腑血管流淚裙」，令她愛不釋手。

衛蘭感激Sammi鼓勵

接着Sammi表示邀請了一位「好唱得」的表演嘉賓，然後《親密關係》音樂奏起，衛蘭（Janice）升上台，全場尖叫，她們手拖手合唱。Janice感謝她對自己的鼓勵，說：「你畀咗好多信心，好多年前鼓勵我去keep fit，我真係好努力做gym。（見你舉重添呀！）我好多謝你，就係Sammi團火好感染到大家！」Sammi即興唱了幾句「我的熱情好像一把火」。

Sammi昨晚在澳門威尼斯人金光綜藝館，舉行第七場演唱會。

Sammi嘅舞台相當型格！

Sammi穿上由時裝設計師Tomas Chan為她度身訂造的「五臟六腑血管流淚裙」。

Sammi對呢件衫愛不釋手！

今場請嚟Janice任嘉賓。

2人合唱《親密關係》。

Janice感謝Sammi對自己的鼓勵。

2人更擁抱起來。

Sammi表示睇住Janice出道，看佢呢幾年喺樂壇成績咁好，戥佢開心。

衛蘭多謝Sammi鼓勵佢做Gym。

Sammi演唱會當然唔少得勁歌熱舞。

衛蘭與安仔合照。

廿四味

許志安獻唱《世紀末煙花》。

Sammi一聲「安仔」後，安仔甜笑點頭並接著合唱，場面溫馨。

Sammi說：「我想講，我好幸福，多謝你哋！」全場拍掌和歡呼聲。

Sammi與衛蘭合照。

衛蘭、Sammi都係「i人」？

Sammi說：「我係睇住你出道，睇住你成長，尤其呢幾年喺樂壇成績咁好，仲穿州過省做咁多場演出，真係戥你開心。」她讚Janice內斂和斯文，Janice問她是否「I人」？Sammi笑說：「我I㗎，in between啦，揈嚟揈去，M到就I㗎啦！」非常搞笑。Janice說：「我好感恩成為Sammi嘉賓，更感恩仍然可以聽Sammi唱歌、睇Sammi演唱會，好正！」Sammi謙說年紀大，不知道精力還能唱到幾時，Janice說：「Keep住呀，我哋都好需要你！」

Sammi坦言好幸福

Sammi在唱完《唯獨你是不可取替》後說：「人生裏面，我哋都有屬於自己嘅故事，喺一段關係入面都有當中嘅苦和甜，我覺得人生經歷過咩嘢都唔重要，最重要係經歷過後體會到咩嘢，同埋回頭望發現係一場好美麗嘅祝福，所有嘢都變得更加好。」然後許志安升上台，鋼琴彈奏《世紀末煙花》，Sammi說：「我想講，我好幸福，多謝你哋！」全場拍掌和歡呼聲。然後Sammi一聲「安仔」後，安仔甜笑點頭並接著合唱，場面溫馨。