COLLAR新團歌《暴走女團》展玩味 MV化身茶記女神Sell本土風

女團COLLAR昨日（20日）推出年度第二支團歌《暴走女團》，這次歌曲MV以茶樓、冰室為主題，大玩本土風味，再一次展現COLLAR玩味一面。

COLLAR團歌《暴走女團》到冰室取景

此歌是COLLAR成軍以來，第一支以中文歌名命名的團歌，歌曲最特別之處，莫過於今次MV主打本土風，Marf表示：「最有趣係選擇咗好多港式風味嘅嘢去做主題，之前我哋歌曲例如《idc》、《Call My Name！》都係比較科幻元素，《Speak Love》就係啲戀愛元素，未試過本土元素，我哋作為本土女團，應該要試啲本土嘢。」

為展現本土元素，MV不單到茶樓、冰室取景，她們更以專屬的茶記造型上陣，場景、造型都十分新穎，Gao說：「今次造型師好大膽，竟然搵咗件茶記衫畀我哋，上面寫住『領女冰室』，好特別，唔一定着到靚靚咁，估唔到茶記衫都可以玩到女團風。」Ivy則認為歌詞好似舞台劇，「歌曲由黃偉文填詞，歌詞好似舞台劇一幕一幕，真係好想睇個成果。」

COLLAR推出年度第二支團歌《暴走女團》。

《暴走女團》MV以茶樓、冰室為主題，大玩本土風味。

Winka件茶記衫上面寫住「領女冰室」。

《暴走女團》到茶樓取景，芯駖遇到古怪客人？

Candy為食，試過為吃茶餐早餐而6點起身。

COLLAR穿上茶記衫侍客。

Gao大讚造型師設計大膽。

Ivy So另類性感。

之前的《idc》與《Call My Name！》帶科幻元素，Marf︰「《暴走女團》玩本土元素！」

Day笑言向來優雅，最「暴走」行為是今次拍MV的造型。

COLLAR去飲茶多兩嚿叉燒

COLLAR又分享關於「暴走」兩字的趣事，Candy笑言：「我有！茶餐廳往事，好暴走，朝早6點起身同朋友去一間好著名嘅冰室食早餐，食完就即刻衝返屋企上Zoom堂；6點鐘起身就係為咗同朋友食早餐，好深刻，件事都4、5年前，未試過咁早起身就係為食早餐！」芯駖則表示見到昆蟲是最「暴走」的時候：「見到小昆蟲，尤其黑色好多隻腳，我會暴走，試過食食吓嘢見到，真係會好驚！」Day笑言向來優雅，最「暴走」行為是今次拍MV的造型。此外，她們異口同聲表示出道後都依然會去茶樓、冰室等人多的地方，Winka笑稱：「前排先去茶樓，有時街坊認得我哋，會送多兩嚿叉燒！」