馮寶寶罕現身撐葉童與黃德斌 花5小時車程抵吉隆坡睇《唔講得》頻呼Enjoy

由葉童和黃德斌主演，改編自上海話劇藝術中心原創舞台劇《不可說》的廣東話版黑色喜劇《唔講得》亞洲巡演第一站，日前於馬來西亞吉隆坡表演藝術中心完成，首站巡演獲得到香港駐雅加達經濟貿易辦事處支持。

馮寶寶暢談舊事

《唔講得》三場吉隆坡演出門票早在數周前售罄，足見當地觀眾對這部舞台劇的期待與劇作本身的吸引力，當地媒體亦對劇內演員表現讃不絕口。現居馬來西亞，久未在香港露面的殿堂級藝人馮寶寶（Bobo姐）也特意花了五個小時車程到吉隆坡，和她多年好友即本劇監製陳善之，以及導演胡恩威和一眾演員茶聚，暢談當年合作的舊事，她更留下來觀看《唔講得》尾場演出。Bobo姐在看過尾場演出後和劇中演員合照留念，她表示：「唔講得，唔講得，因為太多嘢要講啦，好好睇，演員一流啦，我覺得選角葉童係好適合，呢方面陳善之（監製）應記一功，我諗唔到我曾經合作過嘅黃德斌，嗰陣我唔係咁留意到佢，佢今次喺台上面著嗰件西裝，一定係美指將佢打扮到有型有款。一路睇我好enjoy個故事，寫得複雜、迷離，高潮起伏，一路想追看落去，當然導演應記一功，總言之整體嚟講太好睇啦，唔講得啦！」

在完成馬來西亞演出後，《唔講得》舞台劇將於5月15 - 17日，一連三天在廣州大劇院歌劇廳公演，因為觀眾反應熱烈，兩場夜場和一場日場門票也已全部售罄。

由葉童和黃德斌主演的廣東話版黑色喜劇《唔講得》大受好評，四出巡演。

馮寶寶大讚葉童選角出色。

馮寶寶現身《唔講得》吉隆坡站表演，撐葉童與黃德斌。

馮寶寶稱讚黃德斌好有型。

完成馬來西亞演出後，《唔講得》移師廣州大劇院歌劇廳公演。

《唔講得》廣州場次兩場夜場和一場日場門票全數售罄，劇組正計劃加場。

馮寶寶與本劇監製陳善之（右）及導演胡恩威（左）合照。