56歲向展鵬唔認「虧」：係單一事件 坐長途機後打馬球腳震丨獨家

向氏後人向華榮兒子向展鵬（Jeffrey）生活奢華，對名牌穿搭、豪華度假及高檔餐廳美酒佳餚都相當講究，多年來買過千萬名牌服裝及包包，月前他以超級VIP身份獲邀到巴黎豪華旅遊，6天行程給他非一般有錢人體驗，尤其最難忘係一落機就被安排去打馬球：「嗰次上馬腳都震呀！」56歲Jeffrey參加《中聲2》期間暈過7次，被記者取笑未老先衰！他即否定係「虧」：「唔可以睇單一事件，之後我喺香港騎馬都冇事喎！」採訪：方騫平

腳都震埋的Jeffrey喺馬背木無表情。

不過都好好玩。

其實坐長途機商務客位都好舒適。

向展鵬因參加TVB節目《中年好聲音2》成為半個公眾人物，但他選擇繼續做「保險界猛人」唔做歌手，卻斥資過百萬推出4-5首歌去圓歌星夢。最近他翻唱的《問我》率先在音樂平台上架，縱使冇被做任何宣傳，仍獲網民留意，甚至讚他唱出《問我》的感覺和味道。Jeffrey表示：「我唔打算出太多首歌，所以唔會做推廣，唔會有商業成份。」目前他已錄好第2首《爭氣》，更預告第3首會選唱陳百強的《戀愛預告》。

Jeffrey新歌《問我》率先在音樂平台上架。

向展鵬因參加TVB節目《中年好聲音2》成為半個公眾人物。

Jeffrey年輕時想做歌星。

向展鵬選擇繼續做返「保險界猛人」。

Jeffrey做馬主多年。

向展鵬、林青霞有交情。

去年向展鵬在活動中和鄭欣宜相遇。

飯後高歌助慶

提到法國行程，他透露相當特別：「坐完13個鐘頭機後，大會唔係安排返酒店休息，反而去打馬球，加上平時喺香港上馬係會有個腳踏，但嗰邊只係畀女士用，所以我就要喺平地上馬，上得十分吃力，腳到震埋。」對於被記者取笑他渣，問他要不要進補？他為自已大反平：「可能喺機上冇乜點瞓，去到馬球場，又要坐Golf車，架車又開得好快，啲路又上又落唔多平坦，路上怕跌落車要用兩隻腳頂住，所以咪一時冇力囉。」今次Jeffrey和胞妹被安排坐開篷古董車遊覽諾曼第舊市鎮，並入住莊園，由米芝蓮3星大廚「蔬菜之王」親自下廚炮製素菜佳餚，另外又參觀愛馬仕工廠、並在巴黎總店頂樓和CEO食飯及認識第5代和第6代傳人：「有晚飯後更高歌，相當盡興。」

向展鵬和妹妹坐Golf車入馬球場。

騎喺馬背好型。

Jeffrey對名牌穿搭相當講究。

Jeffrey參觀愛馬仕的factory，介紹每一款包包如何去製造。

和米芝蓮3星大廚「蔬菜之王」在莊園合照。

與米芝蓮3星大廚「蔬菜之王」合照留念。

Jeffrey飯後高歌助慶。

同行VIP打成一片。

今次只有3位香港VIP獲邀請。

盛裝和妹妹出席飯局。

和囘胞妹乘坐古董車遊覽諾曼第舊市鎮。

Jeffrey大讚行程安排得好好。