游茛維唔怕捱誓跟吳浩康爭食 考獲「四大牌照」加強離巢競爭力丨獨家

主持了12年《東張西望》的游茛維(一蚊Joe)，早前在社交網發文宣布離巢。沒有大台遮蔭，43歲的一蚊Joe進取地考齊地產、地盤、保安、保險「四大牌照」加強離巢後的競爭力，並在短時間內已轉戰保險界「頂住先」。即使擁有大學學歷，但他揚言不介意和吳浩康爭食做地盤真漢子，坦言𠵱家市道唔好：「希望大家都畀個機會，最重要可以養到頭家！」採訪：方騫平 場地：中環滙

一蚊Joe望外闖搵多啲。

一蚊Joe望冇咗大台，外出都會給他做司儀機會。

一蚊Joe在TVBT有迷茫期。

一蚊Joe全力出外搏殺。

一蚊Joe示範當日台慶大合照，被安排企後排時的搶鏡舉動。

游茛維效力 TVB 18年，直至去年2月才轉簽邵氏1年，今年約滿離開，同TVB再冇任何關係︰「2006年參與《一擲千金》後畀陳志雲拉入局，期間續咗3次約，但疫情時共渡時艱被減薪一半，月薪得返萬幾蚊後難以上調，最後過檔邵氏搵新路向，希望借助邵氏『光環』繼續成為大台『入場券』，有機會仲喺TVB生存，但最後都係事與願遺，倒不如外闖。」

一蚊Joe今年2月離開邵氏，跟TVB再冇任何關係。

主持《一擲千金》。

一蚊Joe曾參與《童你一起長大了》。

一蚊Joe曾與楊洛婷合作《問問Master Joe》

主持《東張西望》逾15年。

做過《東張西望》外景採訪。

和李思捷做《思家大戰》。

回顧大籮辛酸史

回顧於TVB並非一帆風順，有大堆辛酸史，但學會樂觀面對，心臟也變得強大︰「因為唔推嘢做，試過農曆新年油黑塊面扮過老鼠；搽上炭粉扮焦屍，甚至就算係『親生仔』，於台慶大合照排位都係排尾2行︰「着到身光頸靚企咁後係會有啲不是味兒嘅，唯有攬住條柱擺pose自娛及搶鏡，自我安慰『可能生得高大，會阻到中間啲妹妹仔。』我都算係個幾樂天嘅人啦。」

一蚊Joe試過全身搽上炭粉扮焦屍。

一蚊Joe曾在兒童節目扮老鼠。。

考到職安牌的一蚊Joe笑言同吳浩康爭食。

一蚊Joe已轉行做保險。

租住西半山3房連車位單位。

不過，最坎坷還是疫情時候︰「我哋一家5口冇嘢做，喺屋企你眼望我眼，嗰時擔心到問自己『點算好？』加上收入唔多養唔起成頭家，只好靠從事投資銀行嘅老婆頂住，有次太太好攰返到屋企不經意話『好攰呀，幾時輪到你？』其實我都好想出返啲力，自問係實幹型，做嘢從來係超額完成，只係唔夠靚仔，人脈唔夠，咁自己錯係邊呢？奈何個市又唔好，呢啲變咗係男人之苦。」

一蚊Joe仔細老婆嫩。

一蚊Joe近年收入唔多，靠老婆份人工頂住。

一家人感情好好。

溫馨一家。

一蚊Joe有一子一女。

一蚊Joe很愛錫囡囡。

一蚊Joe曾與囝囝扮演Marvel美國隊長和Iron Man。

可愛子女。

直播老婆生仔一幕最經典。

一蚊Joe曾去探望跑樓梯趺傷腳入院的譚玉瑛。