【黃庭桄專欄】趣談廣東話

有居港多年的外國朋友，不時向我討教講廣東話，並分享在運用時遇到的難題，往往摸不着頭腦。

「你哋形容等多十五分鐘係等多三個字，但『十五分鐘』明明係四個中文字喎！咁『十分鐘』係三個中文字，你哋反而叫做兩個字。但係二十分鐘又真係叫返四個字喎！」

哈哈，唔講都唔覺廣東話是如此多Fun，試問怎樣去解釋，「面都紅曬」和「紅都面曬」、「你玩曬啦」和「玩曬啦你」，其實是一樣意思。

有時明明是同樣的四個字，把次序調轉，卻有着差不多的意思，例如「關你咩事」、「關你事咩」、「你關事咩」、「關咩你事」、「關事咩你」。

又例如：「唔怪之得」、「唔怪得之」、「怪唔之得」和「怪唔得之」，你是用開哪一個排序？好像每個都有人採用，哪個才是正確？已經不得而知了。

如果去到快餐店，A餐是菜心炒牛肉，B餐是牛肉炒菜心，C餐是炒菜心牛肉，D餐是炒牛肉菜心，你會如何抉擇？

當你的情人關切地問候你，你覺得以下哪一句，才是充滿濃濃的愛：「食咗飯未啊你」、「你食咗飯未啊」、「飯食咗未啊你」、「你飯食咗未啊」、「飯你食咗未啊」、「啊！你食咗飯未」同樣的六個中文字，都帶出同樣的溫馨感覺。

當動怒罵人時，只消靈活調動四個中文字，一樣不減霸氣，如下：「食屎啦你」、「你食屎啦」、「食你屎啦」！

同樣的幾個字母，你又能否分得到Kawachii 、Chiikawa、定Kachiiwa？