丁子朗郭柏妍「親熱」壓力大過打戲 難忘穿牆戲跳足成晚丨獨家

緋聞情侶丁子朗（丁丁）與郭柏妍（Rosita），在TVB劇集《奪命提示》組成CP，以歡喜怨家亮相，戲中有不少打鬥場面。丁子朗表示最難忘有場戲、外景連廠景拍足兩晚，講述與郭柏妍要穿牆飛出大廈外，笑言跳足成晚，但原來對他而言拍親熱戲難過拍打戲。 文：鄺芷瑩、圖：譚志光

郭柏妍自覺未能駕馭動作戲

丁丁說：「因為劇情講述間房爆炸，我哋連埋牆同磚飛出大廈外牆，接返外景再跳返出嚟，聽落都夠晒刺激，我哋跳咗成晚！」Rosita笑言穿牆戲份後，劇情亦發生好多事，還有其他參演人士包括小朋友，難怪要拍足兩日。談到會否愛上演動作戲？Rosita坦言今次是新嘗試，能力上未必很好，亦自覺未能駕馭，但越做得多會熟能生巧：「睇下監製文偉鴻（Jazz）會唔會再畀機會我囉！本身我連聽槍聲都驚到即刻走，覺得係新挑戰！」又笑言為克服對槍聲的恐懼，不時播放開槍聲練膽：「我其實好驚，但又唔可以驚，我驚身邊嘅人會驚，因為我拎住枝槍周圍走，隻眼又唔可以眨眼，否則拍出來都用唔到。」

丁子朗與郭柏妍在TVB劇集《奪命提示》組成CP。

丁子朗最難忘有場戲、外景連廠景拍足兩晚，與郭柏妍要穿牆飛出大廈外。

丁丁指當時跳咗成晚！

郭柏妍笑言穿牆戲份後，還有其他參演人士包括小朋友，難怪要拍足兩日。

Rosita坦言動作戲是新嘗試，自覺未能駕馭。

郭柏妍表示動作戲越做得多會熟能生巧。

丁丁表示今次拍攝動用真槍。

丁丁用真槍拍攝稱全新體驗

丁丁表示動用真槍拍攝，燃燒後會有彈殼彈出，有機會彈向旁邊的人：「大家會背對背開槍，位置同時間好近，係好大危險性！開始時會講定預幾多次NG，拍攝時有假槍對好位置，真正拍完就會有人拎走枝槍，係我全新體驗！」

丁丁坦言拍親熱戲難過拍打戲。

丁丁坦言拍親熱戲前會與對方溝通清楚。

兩人繼《下流上車族》後再演一對，默契十足！

郭柏妍戲中好性感。

丁子朗、郭柏妍、張振朗、劉穎鏇在劇中有大量打戲。

想挑戰演母子

丁丁與Rosita這對歡喜怨家，經常有鬥嘴戲，Rosita笑言有場戲要一路行一路鬧丁子朗，條路又長、對白又多，而且一shot直落拍，最後沒有NG：「因為我唔想NG，拍攝時係冬天又着短褲，如果再NG要行多次，當日朝早非常之凍！」談到親熱戲，丁丁坦言事前會溝通，覺得拍親熱戲難過拍打戲，因為要遷就角度，作為男演員都會擔心對方走光，反而壓力會大，大家更是首次合作，拍親熱戲都會有緊張。至於兩人繼《下流上車族》後再演一對，談到下次再續戲緣想演哪種關係？丁丁笑說：「演母子啦！」Rosita即笑言無所謂，可能拍穿越劇演對方母親。