黃夏蕙心痛姜濤被狠批：我好錫佢 讚對方靚仔又乖仔 約七師傅見面祈福保健康

黃夏蕙、陳健興與關浩揚今日（21日）到會展出席活動，夏蕙姨與關浩揚在獻唱時更落台與觀眾握手。受訪時，夏蕙BB透露昨晚看完首映之後因地下濕滑跣了落樓梯，搞到腰骨和腳也痛，由於太夜所以只貼了止痛貼和食藥頂住，而活動完結後也會去看醫生。

夏蕙姨非常支持姜濤

提到夏蕙姨負傷都照演出，而且表現落力，她表示：「一定嚟，止住痛，尋日痛到講唔到嘢，就算痛都一定嚟，從未試過失場，幾10年都冇試過。」至於她籌備的《夏蕙傳》，夏蕙姨透露將有新資金，預計將會在7、8月開拍，已邀請了很多藝人參與，詳情待有資金再公布，提到她之前表示想邀請姜濤參演，夏蕙姨即指自己非常支持姜濤，因對方又靚仔又乖仔又後生，自己也是他的粉絲，對於早前姜濤被王晶狠批，她說：「唔好理嗰啲，我一路都支持後生演員，姜濤年青有為又靚仔，（有冇覺得佢俾人鬧而唔開心？）自己理自己，我唔理人，不過都好心痛，冇辦法，人哋啲嘢唔可以管，但我好錫佢。」

黃夏蕙、陳健興到會展出席活動。

夏蕙姨透露昨晚看完首映後，因地下濕滑跣了落樓梯，搞到今日腰骨和腳痛。

夏蕙姨籌備的《夏蕙傳》，預計將會在7、8月開拍。

提到夏蕙姨之前表示想邀請姜濤參演，她即說自己非常支持姜濤。

夏蕙姨讚姜濤靚仔又乖仔又後生。

黃夏蕙、陳健興落台與觀眾握手。

關浩揚亦有在現場獻唱。

黃夏蕙表示好錫姜濤。

特意求了一條晶石手鏈消災

此外，提到七仙羽早前表示有「夏」字的藝人今年健康會有問題，夏蕙姨表示不到自己擔心，事情要來就來，之後也會約七師傅見面祈福，自己也特意求了一條晶石手鏈消災。