陳凱琳拉埋老公鄭嘉穎經營Channel拍短片 自爆生3個小朋友後嚴重脫髮

陳凱琳（11日）到尖沙咀出席活動，大會以「冰肌女神」來稱呼她，陳凱琳表示自己33歲，不敢用女神這稱號，她坦言自己很着緊護膚方面，所以平常會喜歡用天然產品，笑指老公鄭嘉穎也拿來用，提到臉上的蘋果肌，她指以前嫌棄，「大笑時太大嚿肌肉會唔靚」，後來發現這個部位飽滿更青春，故現在也想方法去提升，問到是否有幫老公提升？她笑說︰「有時叫佢幫我按，（佢係咪比較緊張脫髮？）佢啲頭髮好濃密，我哋兩個髮量都真係唔錯，但我真係生三個（小朋友）嘅時候，三個月後就真係甩頭髮，第一個最嚴重，我懷疑係因為我餵人奶餵得最耐，可能鈣流失。」

陳凱琳孖鄭嘉穎夫妻檔搵銀

上月宣布離巢TVB的陳凱琳早前與老公鄭嘉穎夫妻檔到大馬搵真銀，她表示兩人出活動可以讓人們看到他們相處時的幽默︰「我哋上一次去馬來西亞嗰陣都拍咗條片，因為我笑點好低，拍片嘅時候要同佢講啲好情深嘅說話，我係忍唔住喺度不停笑，跟住佢話︰『你睇吓我係一個幾好嘅演員？就算你咁笑都好認真咁讀晒對白』，同佢一齊工作嘅時候係好開心。」至於離巢後是否多了「夫妻檔」一起搵銀機會？她表示只是剛好有適合兩人的工作，又透露鄭嘉穎在內地也有拍攝工作，可能拍攝一、兩星期就返港，問是否鄭嘉穎要求較短的工作時間？她說︰「都係嘅，而家趨勢都係傾向短嘅劇集、視頻，我都同佢講不如我哋發掘題材開Channel，係拍你自己想拍嘅內容，我覺得都會幾過癮，因為而家都係鍾意啲快靚正，（拉老公做KOL？）又唔一定做KOL，佢可以用佢自己鍾意做戲呢一種Talent，拍啲唔同嘅片畀大家睇。」

陳凱琳（11日）到尖沙咀出席活動，大會以「冰肌女神」來稱呼她，她感不好意思。

陳凱琳話老公鄭嘉穎會幫佢按摩肌膚。

陳凱琳曾經嫌棄蘋果肌，「大笑時太大嚿肌肉會唔靚」，後來發現這個部位飽滿更青春，故想方法去提升。

上月下旬，陳凱琳和鄭嘉穎到馬來西亞搵真銀，擔任開幕嘉賓，盛裝打扮。

上月下旬，陳凱琳和鄭嘉穎到馬來西亞搵真銀，擔任開幕嘉賓，盛裝打扮。

早前陳凱琳與YouTuber Torres拍片，對方扮港姐時表示「諗住嫁有錢佬」。

陳凱琳和Torres去睇欖球賽拍片，場面搞笑。

陳凱琳上月宣布離開TVB，現在主力做KOL拍片。

鄭嘉穎與陳凱琳結婚6年，育有大仔Rafael、二仔Yannick與細仔Carlos。

陳凱琳計劃拉埋老公鄭嘉穎開Channel拍短片。

陳凱琳自爆生3個小朋友後嚴重脫髮，而家好濃密啦！

陳凱琳向搞笑方向發展

另外，提到早前她與YouTuber Torres拍片時，對方扮港姐時表示「諗住嫁有錢佬」，問她是否怕得罪眾港姐？陳凱琳解釋拍片要有話題性，大家看完也是得啖笑，又稱當日有跟對方講自己當年參選時，被曾志偉問到是否想來釣金龜︰「佢（Torres）聽完之後覺得幾好笑，所以就算我講我選港姐係要嫁個有錢人，係有少少開玩笑成分。」