五索馬清鏗公然翹實行街 歌劇院睇騷竟然笑到流眼淚 一行為被外籍人士歧視

已婚大生銀行主席馬清鏗早前被《東周刊》獨家爆出與巨咪網紅「五索」鍾睿心（Rachel）暗交9年就並誕下4名孩子。近日，五索玩高調，頻頻於社交網大晒與馬清鏗去瑞士旅行的甜蜜互動片段，繼獲男方親自餵食後，五索公然翹住馬清鏗行街的畫面曝光。

馬清鏗再次爛鞋

五索狂post 瑞士之遊的短片，今次二人去到歌劇院，更坐正第一排，五索晒命表示：「好大鑊，第一排應該個耳膜會聾」；其後，五索就笑言「歌劇院變鬧劇院」，因為馬清鏗的一雙鞋繼日前爛過一次後，再次甩底爛開，馬清鏗在旁無奈表示：「等一陣間要跣返去（酒店）」而五索就笑不停謂：「點解對鞋又出事？（馬清鏗: 有冇橡筋箍啊？) 我冇橡筋喺度喎，你應該問人攞，我幫你拎啊！」

五索狂post 瑞士之遊的短片，呢日兩人去到歌劇院。

五索與馬清鏗去歌劇院，不過佢就笑到流眼淚。

因為馬清鏗的鞋繼日前爛過一次後，再次甩底爛開。

五索瘋狂大笑。

馬清鏗更問旁邊的女士有冇橡筋箍！

五索公然翹實馬清鏗在街上行。

兩人首次翹手畫面曝光。

馬清鏗著住爛鞋跣返酒店。

五索影住馬清鏗著住爛鞋跣步的背影。

五索笑到流眼淚

五索續指馬清鏗次次在重要時刻對鞋就會爛，買了新鞋又不穿，五索瘋狂地笑，更大爆馬清鏗嘗試用電話叉電線綁住對鞋，「綁嗰陣咁啱比隔籬嗰個女人睇到，佢個樣係極度鄙視我哋啲中國人，著埋啲爛鞋嚟睇歌劇，心諗點解可以有錢坐最前排，個女人個表情真係好正，最好笑係佢（馬清鏗) 仲要問個女人有冇橡筋借俾佢」五索邊說邊笑到流眼淚，而在旁的馬生亦哈哈大笑。

公然翹實馬清鏗

完騷後，五索影住馬清鏗小心翼翼逐步跣返酒店，她繼續笑到崩潰，並表示被整條街的人望住，鏡頭一轉，見五索公然翹實馬清鏗在街上行，二人首次翹手畫面曝光。五索更透露二人住總統套房，相當富貴，她影住馬清鏗著住爛鞋跣步的背影，並笑言：「住總統套房嘅客人，返酒店前台嘅鬼佬都歧視佢。」