薛家燕迎75歲生日辦七公主60周年聚會 做白內障手術前勁擔心要祈禱定驚

薛家燕（27日）出席慈善白內障手術資助計劃發布會，她笑言不時被指畫眉有高低，囡囡勸告睇醫生檢查，繼而發現有白內障問題，她在去年做手術，誇科技發達，手術過程好快，說︰「我做手術之前一晚瞓唔著，喺度祈禱，做手術時仲問醫生有冇落麻醉！我兩隻眼係分開做手術，相隔一星期。」

家燕姐盼女兒早日嫁

家燕姐有黃斑病變、遠視及老花，笑言做完手術「咩問題都冇晒」，她大讚今次活動有意義，以義務身份出席，做社工的細女石耀珠十分支持她參與，因為好多長者沒有錢做白內障手術。提到她日前將獲贈10萬元大利是全數捐出給慈善機構，問到今次可會再接再厲？家燕姐笑說：「今次有周大福贊助，財雄勢大，我唔夠佢大呀！」提到七公主60周年聚會計劃，家燕姐表示二家姊沈芝華要4、5月才回來，所以要再籌備。本月30日是家燕姐的75歲生日，她笑言生日願望想女兒早日出嫁，也認為現今好多女性奉行不婚主義，享受人生，所以也不會催促女兒，最緊要女兒開心。

薛家燕以義務身份出席活動，為「老友記」提供白內障手術資訊。

薛家燕即將75歲生日。

薛家燕生日願望想女兒早日出嫁。

影壇七公主，後左起︰沈芝華、蕭芳芳、馮素波、陳寶珠；前左起︰薛家燕、馮寶寶、王愛明。

家燕姐好精靈！

薛家燕做白內障手術前好擔心。

薛家燕讚嘆醫學昌明，白內障手術話咁快完成。