梁茵反擊「交際花」指控：李佳芯一樣要硬食 拍短劇再做拜金女丨獨家

曾在TVB《愛‧回家之開心速遞》演「威龍潘金蓮」Anita的梁茵（Kiko）拜金女形象深入民心，她在開電視短劇《我家有囍事》中再進擊有錢仔林德信，重提當年被指介入已婚富貴馬主律師的「第3者」，又誤為「交際花」 ，Kiko依然無奈解畫：「係配合喺舊公司要求，搵投資方爭取更多演出，狀況如李佳芯跟『蟲草大王』陳恩徳傳出緋聞一樣。」 採訪：方騫平 場地：Vibe Sea To Sky@觀塘鴻圖道

梁茵努力轉型從商求生存空間。

梁茵承認演拜金女角色對她的確有影響。

梁茵當年被指係「交際花」。

𠵱家學會放鬆心情。

梁茵懂得為自己打算。

提到往事仍耿耿於懷。

離開TVB 3年的梁茵，最近為首個開電視自家微短劇《我家有囍事》再做拜金女，迷惑富家公子林德信，成為林德信和林穎彤的「第3者」，enjoy演出的她說：「我着黑絲進攻，用意識形態嚟交代！」曾揚言不想再演拜金女的Kiko今次肯破例，她解釋道：「因為會加入啲狂嘢搞笑元素中和下，而且做反派、做醜角畀人記得多啲，反而比較優勝。」

開電視短劇中着黑絲色誘有錢仔林德信。

主動向林德信出擊。

梁茵亦步亦趨。

《我家有囍事》中成為林德信及林穎彤的「第3者」。

今期爆紅的七師傅也有份演出。

被街坊指住頭鬧(

當年Kiko不忿「成也Anita敗也Anita」，她承認拜金女角色對她的確有影響，尤其觀眾好入戲，更自爆說：「試過出街時畀人指住個頭嚟鬧我『呢個係貪錢嘅衰人』感覺真係好難受，唯一自我安慰係演得好而受認同，也被標籤為拜金女、第3者。」

Kiko大晒噴血惹火身材。

梁茵不時出海。

長腿美女。

扮成學生妹。

梁茵有好豐滿身材。

年前有報道指梁茵(Kiko)疑和一位富貴已婚律師兼馬主過從甚密。

梁茵曾參演電視劇集《金宵大廈》。

梁茵、陳睿雯晒身材。

梁茵「交際花」形象入型入格。

《愛‧回家之開心速遞》中演姣精「威龍潘金蓮」Anita。

重提當年被指係「交際花」，Kiko無奈梗食，一度耿耿於懷：「當年舊公司提出，搵到贊助嘅話就會有多啲演出機會，劇集篇幅都會多啲，既然有咁嘅機會自己都想搵投資方爭取下，互惠互利啫，點知畀人認定係別有用心嘅拜金女，就算澄清1千次都冇用，最慘連當時男朋友都存疑，追問我『約咗邊個監製導演？下期又搵個金主？船主、贊助商、高層.. 』.呢啲咁嘅負面消息由入行至今都未停過，我唯有做好自己，好彩得到家人支持。」最令她釋懷的，連一線花旦李佳芯都被人誤會：「與其改變唔到人哋諗法唯有改變自己。好彩𠵱家狀況好少少，啲人見我落舖(食店)做嘢，都好認真付出會改觀。」經此一役教她日後見客應酬時要保持距離，她好想求公平：「比如男士用安全手輕扶女仔條腰，呢啲舉動其實係觀點角度，如果發哥就講成幫手拉筋啫；吳彥祖就讚有紳士風度；但八両女變核突、肉酸。」

李佳芯跟「蟲草大王」陳恩徳傳過緋聞。

『蟲草大王』陳恩徳跟李佳芯慶生。