Kelly Online：7大止汗除臭妙法　飲菊花綠茶按合谷穴

夏天一到最怕遇上「狐仙」，唔想成為一份子就要注重飲食同個人衛生，小妹分享幾個減少流汗、除臭方法畀大家試吓啦！

1. 老薑擦腋窩：沖涼後，用一塊已切口的老薑擦腋窩，每邊擦大概30次，至皮膚有微溫為止。每日做，3個月後狐臭問題都會得到改善。

2. 爽膚水上汗：炎炎夏日入到冷氣地方，頭一段時間都難免繼續汗流浹背，建議可先擦乾汗水，然後用保濕度高、對皮膚刺激較少的爽膚水拍喺出汗位置，例如頸背、手肘、膝蓋後側等，令皮膚得以降溫。

3. 穴位按摩：人體有幾個穴位都有助止汗，其中最方便的是「合谷穴」，即大拇指和食指間的「虎口位」。大家可以用大拇指指腹，用力順時針按摩合谷穴3至4分鐘，當感到酸疼時抖抖再按，重復做5至10次左右，持續約一個星期，將有助防止過度出汗。

4. 溫水沖涼：唔好以為用凍水就可以涼浸浸無汗出，其實咁做反而會將毛孔收縮，變咗沖完涼會反而更燥熱，容易出汗。所以建議用溫水沖涼，咁樣反而會清涼啲，亦有助保護皮膚健康。

5. 浸花香浴：將50克菊花、10朵茉莉花、10朵玫瑰花，同30克香茅用榨汁機搞碎，放入小布袋內，然後放入水中浸泡20分鐘即可，有助消除體臭、清肝活血同光潤皮膚作用。

6. 少食重口味食物：中醫角度認為，有汗臭係肝膽濕熱、脾胃濁滯所致，所以經常食咖喱、蒜頭等刺激性食物會更加熱氣，令毛孔排出更多汗，建議避免暴飲暴食、酗酒，少食高糖、肥膩、太鹹或太辣食物；多吃瓜果蔬菜，如：冬瓜、綠豆、豆腐等。

7. 除體臭茶飲：可用3錢菊花和1個綠茶包，加入600毫升熱水飲用，有助清熱解毒、健脾化濕、緩解體臭。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。