馮允謙自認非專業演員新歌《然之後》MV搵陳健朗催淚 遇難關去一個地方開解自己

踏入2025年3月，Jay Fung（馮允謙）終於迎來首支派台作《然之後》，由他與合作無間的T-Ma聯合作曲，還有第一次合作的小克負責填詞，歌詞講述人生經常面對不同的高低起跌，要學懂去接受、面對、放手。

馮允謙認演技差

Jay Fung找來陳健朗擔任MV男主角，Jay Fung認為由對方比自己更勝任。「今次好幸運，搵到陳健朗去演男主角，點解我自己唔拍？因為首歌想帶出嘅訊息比較沉重，希望大家睇到MV嘅時候會有一個好深嘅感受，所以起用專業嘅演員演出，我覺得比較適合。」

相關文章︰馮允謙冀2026年結婚 畀料保持關係新鮮之道 越老土越要做︰送情侶波鞋搵番甜蜜感

馮允謙享受孤單

入行超過十年，Jay Fung在唱作路上面對過不少起跌，每當遇上難關，總要學懂一個去面對。他坦言，有時候會很享受孤單帶來的平靜。「通常當全日工作完成回到家中，同屋嘅孖生細佬剛巧外遊，會有一種孤單嘅感覺。當年紀日漸長大，會喜歡自己一個，喜歡嗰份自由、平靜，我係一個比較情感豐富嘅人，無論開心抑或唔開心，又或者好多嘢諗，都會鍾意行吓海傍，又或者同朋友、屋企人、細佬傾偈，尤其當個腦好多嘢諗，要想辦法釋放，行海傍可以令自己得到平靜，喜歡用呢種方法去開解自己，重新整理內心。」

寰亞唱作王子馮允謙推出新歌《然之後》！

陳健朗任《然之後》MV主角 ，落力催淚。

馮允謙《然之後》MV邀陳健朗任男主角，表達沉重訊息。

馮允謙自爆愛行海旁，或與親友傾訴，拾回內心平靜。 

馮允謙稱陳健朗是專業演員，由他當MV主角較合適。

馮允謙話要習慣一個人面對難關。

馮允謙新歌《然之後》訴說無論人生遇到怎樣的起跌，也要學識接受、面對。

馮允謙借新歌寄語

Jay Fung的新歌《然之後》正正就是想帶出，無論人生遇到任何起起跌跌，要學識接受、面對，諗辦法放下，如小克的歌詞內所說︰「然後好好慘敗 然後好好長大 然後充滿力氣好好 欣賞美夢瓦解」。