專欄 Will知足球｜後會有期

眨下眼小弟都已經係本欄寫第70篇文章，然而今次係最後一篇了，同戴治嘅結局一樣都係要落幕，寫過好多篇車路士、德國、拖肥糖，多謝大家嘅支持，亦都由唔係好識寫變成識寫少少。

一個球員就係慢慢成長，第一篇關於戴治同愛華頓密不可分，到而家「椰子」莫耶斯都接任咗愛華頓領隊。從0到1唔難，中間嘅波折先係最困難，寫過夏神最後嘅光芒，類似一個球員同我嘅故事；再寫過梅迪歷嘅發展，不過而家佢連藥檢都未過，仲未復操；上年歐國盃寫過德國門神紐亞係咪應該要退落嚟，去到上周中歐聯佢依然都係正選。

我?個寫稿佬不敵時間嘅巨輪，喺紐亞未退落嚟嘅時候，我就要先行告退，希望大家每一次睇我嘅文章都有啲得着，或者開心就夠啦。但係我唔會唔寫㗎，繼續想增進自己嘅文筆，亦會將文章移師到我IG：Willhappy.99，繼續一星期一篇同大家用唔同角度去睇波，IG再見！Willhappy