【黃庭桄專欄】不要低頭

你有沒有留意，在你身邊，總會有一個同事、同學或朋友仔，走路時常垂下頭，眼睛只朝着地面，不會挺起胸膛。甚麼叫「昂首闊步」？可能此生都未能領略得到。

相信這是心理條件反射，也許自小已被濃濃的自卑心包圍，從來找不到優越感，覺得自己一無是處，便不敢抬起頭做人。

可能父母不時會有言語暴力，日以繼夜打擊自信心，「你睇吓舅父個女吖！細細個已經彈到八級鋼琴，上個月先至代表學校去維也納比賽，你呢……淨係掛住打機，有乜嘢出色？第時點樣搵到食……真係生嚿叉燒好過生你……」

如此謾罵，只會得到三個後果。第一，可能真的能夠激發起鬥心，知恥近乎勇。不過這樣的結局，通常只有在狗血電視劇才會出現。第二，可能令子女變得更加叛逆，話極都唔聽，你有你谷氣，佢都話之你。

第三個可能性，是子女只會越來越無自信，真的以為自己處處不及別人，於是收埋自己，縮在暗角，不相信天生我才必有用，忽略自己原來潛藏了不少優點。

有人是社交障礙，不擅辭令，但卻畫得一手好畫，隨手叫他畫一隻哪吒都栩栩如生，直逼荷里活級數。也許其貌不揚，但在唱K時，歌藝繞樑三日，令人驚嘆：「你唱得咁好聽，唔參加《中年好聲音》真係嘥晒。」

十隻手指有長短，任何人都一定有天賦才華，只看你能否得到機遇，一展所長。每天早上，在出門口時告訴自己：「你掂嘅！今日會過得好好。」然後抬起頭，眼神堅定，你會發現，放眼前方的風景，是屬於重拾自信的你。