【曾智華專欄】動作感知搞掂筋骨勞損

新年大家族團拜，見到「侄女W」，咦，乜成個Fit晒，容光煥發，與去年判若兩人？

W長年坐辦公室，須穿高跟鞋出出入入搏殺，四十出頭已周身筋骨勞損，又坐骨神經痛，又五十肩，兼且手機、電腦用得多，領埋肩周炎與腕管炎，N咁多奇難雜症筋骨問題，所以，去年團拜見佢面青口唇白，烏下烏下冇厘生氣，周身「唔聚財」咁款。

當時基於個人經驗，不停鼓勵佢搵師傅學拉筋，邊家邊門邊派都無所謂，總之就是日日做。

好彩佢聽話。現代女性高級知識分子，點會通街邊搵拉筋師傅？當然上網尋找國際級的理論。終於畀佢搵到一個名Feldenkrais Method的Awareness Through Movement（動作認知學習）的課程，立即報名。上咗幾堂，果然有料到。有過筋骨問題者皆知，若遇上任何方法可以減低痛苦的，肯定「上癮」，必有恆心、有規律地做。

小弟好奇，好想了解此方法背景，也上網查。咦，唔簡單喎，原來呢個認知學習，乃由以色列核子物理學家及柔道大師Dr. Moshe Feldenkrais設計。主因佢中年時遇上意外令膝頭重創，之後利用對人類身體組成的學術研究，悟出一套能令膝頭功能自我修復方法。此法後來正式命名為Feldenkrais Method，傳遍全球，令不少患上神經痛症者，包括政要，得以痊癒。

「Uncle，其實每個人的體質及結構皆不同，故要特別度身訂造一套動作感知模式，以達到復康能力的最佳效果。」

各位，有興趣知多啲？WhatsApp 61627868搵Eva啦。