觀塘人氣餃子店「員工」出餐位剪指甲 店家否認是職員：佢係嚟玩㗎咋！上榜衞生署「星級有營食肆」｜Juicy叮

觀塘一間上榜衞生署「星級有營食肆」的人氣餃子店，被拍到有「女員工」在出餐位剪指甲，惹起網民關注非議，不過，店家回應《星島頭條》查詢，否認該「員工」是職員：「佢係嚟玩㗎咋！」

該人氣餃子店除觀塘外，在九龍灣亦有分店，事件在網上引發熱烈迴響，有網民形容：「當眾剪指甲同當眾撩鼻屎無分別」，有關事件及店家的回應，詳情如下：

星級有營食肆！觀塘人氣餃子店「員工」出餐位剪指甲 店家否認是職員：佢係嚟玩㗎咋：↓↓↓↓

 

 

 

 

 

 

 

 

 

 

 

 

 

 

 

 

 

 

 

 

 

 

 

 

涉事的觀塘人氣餃子店，主打多款自家製餃子及特色粉麵，價格十分親民，冰花煎餃子平均每隻4元，大受食客歡迎。該店同時上榜衞生署「星級有營食肆」，承諾每天提供最少5款「蔬果之選」的菜式。

有網民在上周四（13日）在社交平台Threads發帖，拍到該店一名女子在出餐位置剪指甲，樓主表示：「容許員工喺出餐位剪指甲，觀塘餃子ＸＸ都真係有啲料。」帖文附有現場照片，拍到一名戴口罩女子，站於L型出餐枱一角，拿出指甲鉗，正聚集會神剪指甲。她站在出餐枱外，面朝向出餐區，相中見到區內有兩名女職員正在準備食材，未有理會該女子。

同場加映：尖沙咀印尼食店老闆辱罵食客：「搵你80幾蚊慘過做雞！」 仲有更進擊回應↓↓↓↓

尖沙咀一間印尼食店的老闆，因負評與食客爆發罵戰，該食店老闆回應相當進擊：「我接到你依個『客人』算唔算中伏？」「請你唔好再黎啦，搵你80幾蚊慘過做雞。」

 

涉事的印尼食店位於彌敦道一棟大廈的3樓，其前身為一間屹立佐敦40年的懷舊印尼餐廳，老店於2016年結業，其後由第二代接手再於現址復開。（google地圖截圖）

 

有食客在網上對該食店留負評，分享今年4月一次光顧的感受指「貼錢買難受」。

 

該食客批評叫的大部分菜式「係得個甜字」。

 

他特別指其中一碟薩摩汁牛肉，「成兜野甜到食唔落」，而且「仲要係用肥牛片。」

 

「炒飯有鑊焦粒，雞絲有D硬，又係甜味。炒四季豆有D生，D參巴醫又係甜。」

 

除食品質素外，該食客又批評店內職員態度。

 

「收銀阿姐態度勁串，只係問佢我哋落咗幾多樣餸，佢就好惡咁掟返畀我哋睇張紙，話你自己睇返叫咗幾多！」

 

「侍應個個好急好忙咁，問佢邊到有水，只係講前面轉左，佢個斟水位又被擋住，最後都係冇斟情願出去買！」

 

店主其後以長文親回，說話相當進擊。

 

店主心水清，記得該食客當晚4個人，埋單$329，「人均消費剛好82蚊左右。」

 

店主：「這個消費額在晚市的尖沙咀區，相信除了M記外都不能做到。」

 

至於被指食物「甜到食唔落」。

 

店主回應：「既然你話「甜到食唔落」，點解你地會食到連汁都一滴不留？(精神錯亂？)」

 

「黑豉油當然是甜的啦，難道會有酸的黑豉油？」

 

對於那碟「薩摩汁牛肉」被指用肥牛片，店主回應：「唔知道你們是否沒有去街市買菜的經驗？請你們調查一下肥牛的每磅成本是多少？肥牛又是否為低下的肉種？」

 

對於店員態度差的指控，店主回應繼續進擊。

 

店主回應：「餐廳忙，侍應梗係忙，忙起上黎答嘢當然會急D。」

 

「不過我同你強調一點，就係我地餐廳無收你加一服務費。」

 

「如果你想要比較好的服務，就建議你去五星酒店。」

 

「佢地服務都非常好，就算你再無理取鬧，佢地都會笑住望住你。(只不過可能會在心裡咒罵你)」

 

對於食客指未能取水，店主仍然心水清。

 

店主：「雖然你（指食客）聲稱唔知水起邊，但係該晚你地又好成功咁去攞水去洗餐具。」

 

最後店主表示：「請你唔好再黎啦，搵你80幾蚊慘過做雞。」

 

該食客其後再回應：「一間連顧客反映真實聲音的店鋪，難怪出品品質同店主同出一轍。」

 

店主繼續進擊：「點都叻過你，我地做一件事可以專注做幾十年。 而你只能匿名連樣都唔敢露岀，起度扭曲事實胡言亂語。 我地打開門做生意，正大光明，有咩怕你？」

 

第二場罵戰在一週前發生，有食客負評該店店員的惡劣態度。

 

食客批評「門口呀姐」態度差，餐廳限時，「如果坐低就要開始計時80分鐘。」

 

「最後都係好唔情願地俾我哋入去搵已經坐低咗嘅朋友，之後每一位入座嘅客人都抱怨門口呀姐好惡趕客。」

 

「食物方面有好有壞。咖央多好食，巴東牛肉都好正宗。不過所有食物嘅調味都偏甜。」

 

「但係米飯唔夠水分非常硬，咬到牙較都軟。」

 

「埋單每位$100。呢個價錢喺佐敦尖沙咀算平。但有其他更好嘅選擇，起碼唔洗受人氣，同埋對個胃都健康啲。」

 

該食客又批評店主「不願接受批評之餘仲要將責任推卸落顧客身上。可能佢哋大把生意，唔志在少咁幾個我呢啲閒人幫襯。」

 

店主就這位食客的負評，再發長文回應，當中有不少金句。

 

「一日做得幾辛苦坦白講也不怕，最怕就係見到你啲咁嘅人咁嘅留言。」

 

「特別反映到好似我哋依啲小店，應該對你所謂客人卑躬屈膝，應該對你雙膝跪地先令你滿意。」

 

「你唔好咁自我中心啦，你要考慮吓人哋其他等位嘅人。」

 

「我接到你依個『客人』算唔算中伏？點解你可以咁自私？」

 

「我咁辛苦做完嘢，一打開電話就見到你講啲咁嘅嘢，你會唔會賠返錢畀我？」

 

「大過啦，成熟啲唔好成個『巨嬰咁』。」

 

店主長文發出後數小時，其後刪走回應，改為道歉。

 

店主道歉：「思前想後，我之前對你的言論實在是非常惡劣。 也不應用工作繁重來做自己態度差劣的藉口。 對你致上萬分抱歉。」

 

店主昨日（18日）再在其官方FB發帖回應事件。

 

「大家脾氣唔好，基本上每一日都會有一個客人對我哋講粗口x我地老母。(完全冇交流之下)」

 

「細佬脾氣口氣，唔係太好。」

 

「代入大家都係打工仔嘅角色，可能我哋好俾心機做完老闆俾的工作，問心無愧去交貨嘅時候，」

 

「老闆竟然回你一句：『屌你啲嘢全部都係甜嘅。同我捱通宵重新做過！』」

 

「咁真係一時之間收唔到怒火，不識大體咁講左啲唔係幾好嘅回應。」

 

「所有嘢都係我哋錯，大家唔好嘈交。」

 

「呢位自修室嘅弟兄，如果你係當事人。我誠意邀請你嚟開個Live ，小弟親自向你斟酒認錯。」

 

「希望大家唔好嘈交。我哋大家都係香港人。有怪莫怪。」

 

 

事件引發網民熱烈非議，紛紛質疑店方的衛生情況：「加料？」「加鈣？」「餃子有咬口啲？」「食完腸胃炎？」「Cls同當眾撩鼻屎冇分別。」

有網民幽默地揶揄店家：「剪指甲證明咗『員工注重乾淨又衛生』」，有熟客指出，該剪指甲處近收銀位，懷疑她是收銀職員，「佢指甲長突晒出嚟唔剪，可能收錢時會嘩親啲客......」有網民呼籲：「當眾剪指甲同當眾撩鼻屎無分別......既然唔會當眾撩鼻屎，剪指甲係有需要去廁所做啦好嘛。」

《星島頭條》就事件向涉事店家查詢，該店一名女職員回覆，否認該剪指甲女子為店內職員，她表示：「佢唔係我哋員工，佢唔係呢到返工，佢係鄉里，係到玩㗎咋。」但既非員工，她為何會站在出餐位剪指甲？該女職員解釋：「佢有個鄉里係到返工，佢企係到傾計。」店方為何容許一名非員工在出餐區剪指甲？有否阻止？該女職員回覆說：「都有阻止，當時（我哋）都係忙嘅，我哋都有（阻止）。」對於事件，店方有否訓斥與該名剪指甲女子「傾計」的店員，該女店員回覆：「有啊，有啊，我哋都有講。」

最後，記者問她當時有否食客即場投訴？該女職員回應說：「因為當時我唔係好清楚，我無返工呀，唔好意思。」記者問她姓氏及職銜，該女店員表示「係呢到員工」，記者問她是否店長，她說：「依家暫時店長未返工」，並強調：「你有咩就問啦，無乜所謂嘅。」

同場加映：將軍澳一家3口食$79霸王餐 店家一原因拒「開樣」籲「返嚟畀返錢」最新情況是...：↓↓↓↓

將軍澳一家3口食$79霸王餐 店家一原因拒「開樣」籲「返嚟畀返錢」最新情況是...

 

將軍澳有拉麵店出帖，指有父母帶同小朋友光顧後「走數」

 

這一家三口總共消費79元

 

被「走數」的拉麵店是位於將軍澳東港城的樂麵

 

店家在其官方FB發帖，帖文附有該一家三口的收據

 

收據上寫著「冇比（畀）錢」。

 

店家在帖文中表示，該一家三口在本周六（23日）早上到店食早餐

 

「食完後，女士先同孩子出門口，問有咩付款方式？」

 

「講咗好幾個都話冇，轉頭話佢老公會付錢。」

 

「佢就話帶個小朋友走先，之後就喺同事唔為意，發覺突然間走咗......」

 

店家呼籲：「希望這一家人睇到個post，盡快返嚟俾返錢啦，」

 

「我哋都有晒CCTV，同聽到你同同事嘅對話，希望你只係真係唔記得，多謝。」

 

不少網民留言希望店家「開樣」追緝。

 

網民：「Po相啦 將軍澳唔係好大㗎」，「贊成出cctv 相，等佢D 親朋戚友同事街坊提提佢未埋單。」

 

有曾開食店的網民留言，表示有可能是「真係唔記得」

 

網民：「以前做食店有試過，應該真係唔記得，兩公婆前後腳，老公行先攞車，老婆睇小朋友以為老公畀咗，希望睇到單會記得畀返啦。」

 

店家留言回應：「唔出相係有原因。」

 

似乎暗示亦相信今次「走數」，可能只是唔記得，店家又說：「我真心佢地唔記得畀返就算。」

 

事隔多天，不少網民留言問店家「揾到人未啊」

 

店家事隔三日的最新回覆表示：「無啦，我信人嘅希望再一次令自己失望，我多麼的on居（戇居）。」