LIFE IS LIVE 演唱會2025丨陳柏宇靚聲重現狀態回勇 尾場再唱《你瞞我瞞》覆桌成功　細女Audrey走勻全場會展變遊樂場

《陳柏宇 LIFE IS LIVE 演唱會 2025》於昨晚假香港會議展覽中心 Hall 5BC 舉行尾場演出。經過頭場帶病上陣，Jason昨晚狀態回勇，唱出經典歌《你瞞我瞞》時更重現靚聲演繹，這令他笑逐顏開，全晚表現風騷又佻皮，數度encore之餘更走到台下與粉絲作零距離接觸，全場氣氛熾熱。

Jason靚聲再現獲歌迷歡呼

前晚Jason在頭場演出時抱恙，致令他聲帶腫漲唱不到假音，到昨晚Jason在演繹《你瞞我瞞》之前向粉絲報告病況，他說：「琴（前）日處於一個非常低沉嘅狀態，今（昨）日好返好多。琴（前）日嚟過嘅朋友你哋欣賞到前所未有嘅《你瞞我瞞》嘅版本，今（昨）晚，我哋再挑戰多次，如果唔得，我哋以後都唔會再唱，過去咗啦，呢個以前嘅風光。」話雖如此，但Jason昨晚唱出《你瞞我瞞》時，靚聲再現，多番出現的假音均唱出水準，明顯已走出細菌感染的陰霾，台下粉絲聽到靚聲回歸，齊齊歡呼！

陳柏宇昨晚舉行尾場演出。

陳柏宇頭場帶病上陣，幸好昨晚狀態回勇。

陳柏宇病癒後，全晚表現風騷。

陳柏宇為吊起表演，為演出搏老命！

仲要吊得好高！

重拾靚聲，陳柏宇全晚笑容滿臉。

演出亦少不了跳舞環節。

陳柏宇演繹《你瞞我瞞》靚聲再現，假音均唱出水準。

好多fans見到陳柏宇靚聲重現替他十分感動。

粉絲聽到陳柏宇靚聲回歸，齊齊歡呼！

與老婆Leanne打情罵俏

重拾靚聲，Jason也表現得十分風騷，全晚笑容滿臉，除了唱出《認真如初》時台下的太太符曉薇Leanne和細女Audrey送上飛吻，他更在台上與Leanne打情罵俏，並分享道：「結婚後，老婆唔單只俾到我無限嘅愛，仲可以令到我變成一個更有耐性嘅人，除此之外，為咗佢，我更加有搵錢嘅動力；不過，除咗呢啲嘢之外，我老婆其實好體諒我，依然俾我開開心心做我自己，多謝你。」

陳柏宇走到台下與粉絲作零距離接觸。

更多次向現身粉絲揮手。

陳柏宇細女Audrey見到爸爸好興奮。

陳柏宇忍唔住錫錫細女。

陳柏宇演繹《可靠我》時，更特地走近台前，與合唱此曲的座上客何洛瑤sica互動一番。

陳柏宇細女Audrey走勻全場會展變遊樂場。

陳柏宇與何洛瑤sica

陳柏宇與試當真一眾藝人

陳氏一家好溫馨

愈唱愈有的Jason，在昨晚的跳唱環節更是脫胎換骨，舞姿瀟灑流暢，表現hyper，之後演繹《可靠》時，更特地走近台前，與合唱此曲的座上客何洛瑤sica互動一番，而預先錄音加入合唱《有我》的Leanne，更與Audrey在座位上起舞唱和，三口子台上台下的互動，亦令大家看到陳氏一家的溫馨甜蜜。

細女Audrey好搶鏡

來到演唱會的尾段，Jason歌聲已回復9成的水準，唱出band sound作品《對得起自己》、《逆流大叔》、《有天》及《最後晚餐》時迎刃有餘，澎湃的歌聲，鼓動粉絲們紛紛站起來觀賞之餘，Audrey聽到爸爸的歌聲，更是走遍會展Hall 5BC整個場館，時而起舞，時而拿起碎紙與紙帶自high把玩，每經過之處，更惹來粉絲拍片，十分搶鏡，不過更搶鏡的是，在二度encore之時，Jason賣大包多唱三首作品：《原諒我怕黑》、《黑馬王子》及《閱後即焚》外，更走到台下與粉絲握手，而Leanne抱著Audrey走近台前，Jason仍在漆黑中找到太太與細女，即時衝上前親吻Audrey ，閃爆全場。