專欄 Will知足球｜車路士滑落關鍵係高層？

近幾日小弟都有少少身體抱恙，就同車仔嘅成績一樣直線下滑，兩場都係輸畀白禮頓，一周內被雙殺。防線繼續不穩，前線進攻能力低，加上傷兵滿營，導致而家嘅情況，冬天轉會窗嘅失敗就係關鍵因素。

車路士嘅體育總監有兩位，分別係雲斯丹利同史釗活，而車路士喺剛過去嘅冬季轉會窗最需要補充前鋒同中堅，結果就係回收返杜利奧查洛巴返嚟。本來一早就想從拜仁收購馬菲斯泰爾，但最尾又好似無咗件事咁，而陣中前鋒?家傷晒，尼干古又離唔到隊，反而祖奧菲歷斯就被外借去AC米蘭。

最搞笑係羅美奧拉維亞，好早已經知道佢要養傷啦，其實可以收番今季喺史特拉斯堡一路打得好好嘅中場安德利山度士，但球會反而繼續買後生仔阿莫古番嚟，而佢又唔可以借出去練兵，因為車路士已經超過咗個外借名額。同時亦都賣走咗意大利金童卡沙迪，原因就係球隊無角色啱佢踢，又唔可以借走佢。

馬列斯卡話自己細細個睇車路士不停贏波，但?家已經唔一樣。玩培訓係可以嘅，但都要兼顧到成績先得，?家真係睇住佢滑落，但完全唔關領隊同球員事，咁先係最大鑊。Willhappy