前TVB視后自爆險罹患乳癌！胸部硬塊插針不入「拮到歪晒」 百病纏身爆喊愧對老公
港姐出身的蔡少芬在2008年與張晉結婚，先後誕下兩女一子，蔡少芬婚後主力在內地發展，一家五口更曾在上海定居，直到近年舉家回流返港居住，去年更回歸TVB，與汪明荃（阿姐）、朱茵和譚俊彥合作拍攝，令人相當期待。
蔡少芬發現自己險患乳癌的經歷
日前蔡少芬接受好友謝寧和蘭茜的YouTube頻道「Happy Women's Club」訪問，訪問中蔡少芬自揭與張晉結婚數月後，發現自己險患乳癌的經歷，硬塊的硬程度「連支針都拮到歪晒都隊唔到落去！」
相關閱讀：「最年輕視后」男星老公繼續暴瘦！容貌大變撞樣李克勤 健康情況令人擔心
蔡少芬分享險患乳癌的經歷：
蔡少芬發現自己胸部有硬塊險患乳癌
在節目上，蔡少芬與蘭茜重提當年兩人合作電影《山水有相逢》的經歷，蔡少芬還有泳衣鏡頭，她笑說：「嗰陣身材確係唔錯，因為仲未生BB，不過生咗之後反而冇咁勁，我頭兩個餵咗8個月，第三個餵咗差唔多一年。」接着蔡少芬自揭與張晉結婚數月後，發現自己險患乳癌的經歷：「我未生之前睇醫生，我差啲有乳癌，因為我有乳腺增生，我有一個位係有硬塊，睇醫生檢查叫我忍一針啦，忍一忍，抽一抽。好啦，我睇住佢插，拮到歪晒都隊唔到落去，佢覺得係陰影嗰個位。跟住佢講，硬㗎喎，我心諗唔係呀嘛。之後（支針）攣咗，佢再攞一支拮入去。（連支針都整攣埋？）攣咗4支，佢話攣咗4支都搞唔掂。」
蔡少芬新婚一年百病纏身愧對老公
蔡少芬續說：「不過醫生話都掂到少少，照攞去化驗先。（幾時嘅事？）啱啱結婚，未有BB。之後我轉咗醫生，佢又叫我忍一忍，不過今次拮一針就抽到，一拮就抽到，佢話係水分唔係咁好，不過唔緊要嘅，驗完我再話你聽。唔好諗咁好嘢，開開心心。」蔡少芬稱對上一次看完醫生，見到老公張晉時痛哭：「我喊到不得了，我話我對唔住呀，啱啱同你結婚都未夠一年，我就「強直性（脊椎病） 」又有，而家仲有埋乳癌，我唔知點面對你。我真係好對唔住我老公，因為啱啱結婚都冇一年就發生咁多嘢，我覺得好對唔住佢，喊到我死。」幸好，報告出後結果是良性：「而家係良性，我哋Keep住3個月檢查一次，如果冇乜嘢就冇乜嘢，但我勸你餵人奶。因為餵人奶，你乳腺增生會越嚟越收。你冇咗呢樣嘢就好難有癌症。」
相關閲讀：蔡少芬二女小學畢業！同校多名人明星二代與張栢芝兩子做校友 全年學費逾14萬元
蔡少芬一家五口好幸福：
相關閱讀：蔡少芬賀老公50歲生日買4,400萬獨立屋！手持逾億物業 曾移居上海住大屋
蔡少芬生3胎選擇母乳餵哺減低風險
蔡少芬在小朋友出世生，為了小朋友和自己的健康就選擇母乳餵哺：「第二次見醫生，佢話好咗好多但仲有乳腺增生，佢話『如果再有BB，你再餵啦』，竟然又被我有咗。（唔怪之得你生咁多件）絕對唔係因為為咗自己啦，都有為咗自己嘅，但唔係『淨係』，之後我又再餵，餵完又再睇佢，之後佢話『如果你再生第3個就好啦，我包你一定冇乳癌。』我話吓，而家已經餵得好辛苦，已經好攰，同埋我覺得我唔會有第3個，估唔到6年後又有第3個，我而家已經餵完，我就好安心，我應該唔會再有呢個病，成件事我都覺得好感恩。」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
