【黃庭桄專欄】日本魅力

既然生死有命，又何須杞人憂天？

在新正頭的團拜飯局，最熱門的茶餘飯後話題，除了是「窮人要落地獄」的「小三」五索，必然是：「今年千祈不要去日本喔！」

超過八成的朋友，都不約而同說，乜乜師傅高人先後作出批示，呼籲在蛇年不要去日本和韓國旅遊，只因根據流年飛星圖，蛇年的五黃災星飛臨東北方，日韓兩地正是首當其衝，容易爆發地震和海嘯。

「仲有個日本漫畫家龍樹諒預言，今年7月5日，台灣、菲律賓同日本海域的三角地帶，會有一場海底爆炸，引發毁滅性海嘯，日本有機會三分一的國土會消失。」朋友言之鑿鑿說，「佢試過準確預言日本311大地震㗎！」

不過最啼笑皆非的是，口裏說不要去日本旅遊，但不少朋友都表示，早已訂了復活節或暑假的機票，要飛日本享受悠閒假期。「喂！你又話去日本會有大凶險，咁你又去？」我不禁問，會不會為了條命仔而取消行程？

「照去啦！生死有命，玩在當下嘛！嘻嘻！」

最近蘇民峰師傅在電視節目亦有提及：「2025東北係災難位，就係日本，或者韓國，或者再遠的阿拉斯加一帶。」不過他自己早已訂了今年4月和7月飛日本的機票和住宿酒店，會照去不怕。主持問他：「咁即係冇問題啦？」他就補充說：「唔係，我就係講人算不如天算，你都好難計到邊一日。」

有酒就今朝醉吧！有地方想玩就盡情去享樂吧！有想見的人，就快快約出來吧！有希望達成的目標，就踏出第一步吧！既然明天和無常，不知道哪樣先來，就當今天是最後一天來活。