大S逝世丨昔日拍檔陳曉東獨家回應傷感悼念 透露大S年輕時拍劇已長期帶藥傍身兼自備手提氧氣筒

台灣女星徐熙媛（大S）今日（3日）無預警爆出噩耗，證實於日本因流感病逝，終年48歲。對於突如其來的死訊，不少圈中好友都紛紛在社交網帖文悼念，而跟大S於22年前合作戲劇《倩女幽魂》的陳曉東接受《星島頭條》獨家訪問時透露，年輕時的大S巳經因為身體不好，長期要帶藥傍身，亦需要特別照顧。

陳曉東表示雖然好多年與大S沒有見面，收到這個噩耗感到非常突然，「大S演技已經好純熟，拍咗成套戲，一齊對住幾個月，都係好朋友，私底下都有一齊玩，去到台灣，范曉萱、小S佢哋都好特別照顧我。」他又提到當年與大S拍攝「倩女幽魂」的點滴：「大S係有急性哮喘，去雲南拍戲嘅時候，海拔3千米，稍為高少少，佢都要拎住一個手提氧氣筒，呼吸上有時都會有困難，嗰陣時我哋仲開佢玩笑，加上佢仲有間歇性癲癇，但就冇乜點發作嘅。」

台灣女星徐熙媛（大S）今日（3日）爆出噩耗，因流感病逝終年48歲。

陳曉東、大S在2003年合作拍劇《倩女幽魂》。

陳曉東、大S當年宣傳《倩女幽魂》。

陳曉東、大S甚有默契。

陳曉東、大S稱合作愉快，在片場有說有笑。

《倩女幽魂》劇照

陳曉東受訪表示難以置信。

他續憶述：「大S身形偏瘦，佢自己都好怕會突然之間哮喘，所以長期帶藥傍身，同埋佢特別注重衛生，房間都會打掃得好乾淨；保暖方面都特別注重，帶定好多羽絨、棉胎；一去到海拔比較高啲嘅地方，我哋都要等佢慢慢上山，就會聽到大S好似有少少唔舒服，當然佢後生嘅時候會頂得順嘅。」

陳曉東透露大S年輕時拍劇已自備手提氧氣筒。

《倩女幽魂》劇照

《倩女幽魂》劇照

陳曉東透露大S年輕時拍劇有藥物傍身。

《倩女幽魂》是兩岸三地與新加坡合拍的電視劇。

大S、陳曉東拍劇有過情深一吻。

陳曉東傷感表示：「冇諗過突然間去旅行發生咁嘅意外，係好傷感，損失咗一個好好嘅朋友，好可惜，現正在平復心情。」他亦表示有發訊息給小S問候，對方亦有回應，但不便透露內容，「因為佢哋而家人在外地，相信都着手處理緊，我有send訊息俾小S，小S都有覆我，但係內容就唔公布啦。」