專欄 Will知足球｜鋒芒不再 尼馬重回舊地

有始有終絕對係唔少球員老咗時退休前嘅生活，而今個冬天就有尼馬重返山度士，佢亦都喊住回歸呢個英雄地。

尼馬好後生嘅時候已經出道，巴西下一個領軍嘅大人物，森巴舞者嘅傳承，頭幾季拍住美斯同哨牙蘇組成MSN嘅組合真係叱吒風雲，橫掃成個足壇，當時仍然有唔少人覺得尼馬都係唔夠能力領軍，只係抱大腿。

惟有喺世界盃證明自己，偏偏就係被對手瘋狂針對，殺傷戰術，令到佢一傷再傷，2014年對哥倫比亞受傷，4強出局，2018年傷住踼，4強不敵比利時，2022年射12碼輸畀克羅地亞，8強出局。球會方面，即使佢以天價轉到巴黎聖日耳門，但歐聯一次都攞唔到，仲要帶住唔同大大小小嘅傷患，去到而家估唔到佢原來係球壇最後嘅舞者。

呢刻嘅尼馬唔知仲可以踢到幾多場波，發現佢已經唔可以一個人孭起成隊波，原來自己都會慨歎森巴味不復存在。Willhappy