專欄│車路士韋斯咸勢演入球「大」騷

英超第24輪，車路士主場迎戰韋斯咸。主隊車路士近排走勢一般，上場負曼城3:1，喺領先一球之下倒輸3球，後防漏洞逐漸湧現，而且前線攻擊力亦大不如前；尼高拉斯積遜以及高爾彭馬狀態稍稍回落，可幸翼鋒馬度基近排搵番射門鞋，近兩場都有波入，即管睇下佢今場表現如何。

客隊韋斯咸剛換上領隊樸達，就能以3:2擊敗富咸，上場亦能逼和阿士東維拉1:1，鬥志不俗。樸達今場將會倒戈，雖然缺少查洛保雲同埋安東尼奧兩大進攻核心，但古度斯以及盧卡斯柏基達亦有能力為球隊搵到士哥，相信今場雙方會上演一場入球騷。佩芝