《祥賭必贏》累積票房衝破400萬 謝安琪獲阿Sa教路挽「十三張」化身女賭神 岑珈其爆笑演盲人賭徒超搶鏡

賀歲片《祥賭必贏》，1月28日大年廿九上畫後熱度持續上升，截止今日（31日）累積票房已衝破4百萬，片中有除了有事先張揚的洪嘉豪特別客串外，更有謝安琪（Kay）和岑珈其驚喜客串，二人分別飾演街坊女賭神，以及盲人賭徒，他們更跟阿Sa同場鬥戲，大放笑彈！

與阿Sa、朱康拍戲好夢幻 

戲中Kay與蔡卓妍（阿Sa）於賭枱上「決戰十三張」，兩人更大騷「牌技」！Kay透露：「其實我本身唔識玩十三張，要靠阿Sa教我點樣砌牌。另外導演仲請咗個美女魔術師，現場教我點樣洗牌，唔算好難學，花咗半餐飯時間就學識！」對於首次參演賀歲片，就跟一眾喜劇演員合演，令阿Kay相當開心：「我一直好鍾意同屋企人入場睇賀歲片，所以今次有份參與特別開心，加上可以同張先生（張繼聰），又有我鍾意嘅演員包括阿Sa、朱康、阿卵合演一套喜劇，作為演員覺得係一件好夢幻嘅事。」Kay笑言，拍攝期間更親眼見證阿Sa成功表演「飛牌絕技」，令她歎為觀止！

《祥賭必贏》截止今日累積票房已衝破4百萬。

阿Sa戲中非常爛睹，更要力抗賭癮。

阿Sa表示平日都有跟朋友打返兩鋪！

Kay透露本身唔識玩十三張，要靠阿Sa教她點樣砌牌。

岑珈其戲中飾演一位戒賭中心的盲人賭徒。

珈其開心戲中跟阿Sa一起演出。

珈其表示與阿Sa拍得好開心！

謝安琪化身女賭神！

岑珈其孖阿Sa力抗賭癮

岑珈其在戲中飾演一位戒賭中心的盲人賭徒，戲中他跟阿Sa出盡法寶力抗賭癮，場面爆笑。珈其感謝導演羅耀輝邀請他客串賀歲片，更興奮提到終於能與阿Sa同場演戲：「以前合作嘅電影冇乜機會同阿Sa對戲，今次好開心可以一齊飾演戒賭人士，埋位前睇劇本排戲我哋經已係咁笑，拍嘅時候都有笑場，大家都拍得好開心！」