馬國明不反對湯洛雯拍咀戲大讚新劇好睇 否認老婆養尊處優 蛇年唔急生B：一家人平安齊整就夠

馬國明昨晚（28日）到廟街出席TVB直播節目《喜迎金蛇慶豐年》，他指剛與老婆湯洛雯及外父外母一起食團年飯，不過食到中途就要離開。對於有份主演的賀歲片《麻雀女王追男仔》剛上映，他指未知票房，雖然自己不會看很多次，但笑言就會叫朋友睇。

馬國明大讚老婆新劇《富貴千團》好笑

湯洛雯有份演出的劇集《富貴千團》昨晚首播，馬國明指也有看，亦大讚該劇好睇又好笑：「唔係因為我老婆關係，套劇節奏快，近兩年都好少有呢啲劇種，可能睇好多警匪片同女性復仇，好Heavy，我覺得呢套都幾輕鬆，啱新年睇。」問到是否曾被呃？他就表示沒有，但過往亦都收很多這類型的短訊，就連冒充海關的也收過，不過自己全部沒有理會。

馬國明到廟街出席TVB直播節目《喜迎金蛇慶豐年》。

同場還有導演葉念琛、安德尊等。

馬國明表示剛與老婆湯洛雯及外父外母一起食團年飯。

湯洛雯有份演出的劇集《富貴千團》昨晚首播，馬國明大讚好睇。

馬國明表示不反對湯洛雯拍咀戲。

對於蛇年願望是否想生B？馬國明表示生B不會急。

馬國明表示每年願望都是身體健康。

他又指一家人平安齊整就足夠！

湯洛雯被指無劇拍 馬國明：唔關我事

提到湯洛雯早前出席活動時指馬國明不看她在劇中與黃子恆的激情戲，馬國明就笑言不是不看，只是不會刻意去看，他指如果劇本有需要錫咀的場口，也是不會反對老婆拍：「電視劇尺度有得幾高大家心照，咀仔錫一錫好平常，劇本有需要我覺得好正常，我從來冇阻止佢拍。」對於老婆近年沒有劇拍，馬國明就表示不關自己事，可以監製覺得未必有適合她的角色：「佢可以拍，從來冇話過唔拍，只不過近排冇乜監製搵佢拍，（係咪個個都以為佢要生仔養尊處優？）可能係，但佢唔係，有工作佢都無任歡迎，大家唔好以為佢真係退咗休。」至於蛇年願望是否想生B？馬國明稱不會急，自己每年的願望都是身體健康，以及一家人平安齊整就足夠。