原來視咁的丨阮兆祥江欣燕梅小惠 廣邀圈中好友話當年 相識40載主持節目紀念友誼

因無綫節目《歡樂今宵》結緣，眨眼40載的阮兆祥、梅小惠、江欣燕，是娛樂圈知名好朋友，3人早前合作拍攝逢星期日晚10點半播映的節目《友乜唔講得》，邀請《歡樂今宵》伯樂吳雨大哥、草蜢、汪明荃、黃百鳴、陳欣健、薛家燕、曾志偉等齊齊開心RE-U兼話當年，堪稱電視史上首個資訊量極大的電視歷史talk show。

每次見面都必定雞啄唔斷的3人，一開始即輪流自爆入行時的難忘事、趣事甚至瘀事。當年因為仰慕家姐梅小青，一心想先加入幕前再轉做幕後的小惠，18歲時已急不及待參加無綫當年舉辦的《健美小姐》競選，小惠又自爆當年宣布賽果時，因一心覺得自己贏硬差點闖下大禍，幸獲何守信打眼色提醒才免於當眾出醜。小惠又指比賽後更獲何B師傅親自打氣：「佢話雖然你輸咗，唔緊要，但係你好醒，你都應該啱做呢行嘅。」

阮兆祥、梅小惠、江欣燕因《歡樂今宵》結緣而成好友。

三人首次一齊主持節目訪問圈中好友。

第一集嘉賓有吳雨，大談當年TVB藝人間有趣事。

參加《新秀》為追星

　　至於祥師兄及欣欣，當年3人的花名分別是「學界梅艷芳」及「學界陳百強」。祥師兄坦言當年第一次見到欣欣時，第一次感受到真正反差萌，皆因望落平平無奇的欣欣，轉妝上台後即變了第二個人，欣欣指自己其實完全唔識唱歌，當年參加《新秀》只是為了追星：「我係因為阿梅參加新秀嘅，太鍾意佢，當年演唱會百幾蚊張飛，但新秀報名費只係50蚊，我就可以見佢，好抵！」

　　祥師兄則謂難忘參加《新秀》期間，先後獲梅姐及張國榮當面鼓勵：「比賽完我喺走廊撞到梅姐，我問：『梅姐你有冇睇我表演呀？』，梅姐話：『有有有，你唱得幾好吖，有機會頒獎畀你呀！』跟住完show見評判，就見到我兩個偶像張國榮同陳百強，哥哥仲同我講：『其實雖然輸咗，但如果你真係鍾意唱歌嘅話，唔好放棄！』」

汪阿姐也是其中一集嘉賓。

家燕姐跟阮兆祥、梅小惠曾合作《皆大歡喜》。

已身為TVB高層的曾志偉也以好友身份當嘉賓。

　　首集嘉賓是吳雨，當年除有份打造《歡樂今宵》外，亦是《翡翠歌星賀台慶》的始創人。出名願意畀機會有潛質新星的吳雨，當年代表作絕對是第一個睇中戚美珍有走紅潛質！吳雨稱：「記得當年要搵『歡樂小姐』，嗰時有本藝人簿畀我哋揭，有次見到有個真係好靚嘅，原來係戚美珍！我就心諗點解呢個咁靚冇人要㗎？」