MC張天賦要「清清地」過年迎群星騷 洪嘉豪要「洗劫」Dear Jane 已婚成員 孖陳蕾華納三寶同台成焦點

 華納唱片動員12個歌手樂隊單位參與《Katch Our Life WARNER！GO！》將於2月15日舉行，包括Dear Jane、陳蕾、洪嘉豪、MC張天賦、Gareth.T湯令山、Gigi張蔓姿、Kiri T、moon tang、Zpecial、Lewsz、Nancy Kwai歸綽嶢、Gordon Flanders，勢要炸裂亞博舞台！華納三寶同台呼聲最令人期待。]

陳蕾稱群星騷難度隨時高過自己個唱

由於橫誇農曆新年，眾人「度期」綵排甚有難度，洪嘉豪笑言新春期間將聯同華納仝人「洗劫」Dear Jane 主音Tim及低音吉他Jackal ：「因為結咗婚嘅同事唔係好多個，仲要阿Jackal哥新婚，一定要比佢感受『派利是』嗰種喜悅！」陳蕾就表示想「閉關」，練歌之餘亦為來年搵靈感：「因為過去一年都好忙，冇咩時間可以喺屋企靜吓，可以把握機會喺屋企寫歌找數，又可以靜吓諗吓未來嘅方向！今次呢個騷好多Medley要唱，記極多嘅歌詞之餘，仲要好多舞台嘅走位，隨時難度高過自己嘅演唱會。」

華納唱片動員12個歌手樂隊單位參與《Katch Our Life WARNER！GO！》，當中包括Gareth.T湯令山。

陳蕾表示這個騷好多Medley要唱，仲要記極多歌詞。

仲有今年憑《至少做一件離譜的事》爆紅的Kiri T。

Gordon Flanders

洪嘉豪笑言要「洗劫」結了婚的Dear Jane 主音Tim及低音吉他Jackal。

靚聲王Moon Tang

Zpecial

MC表示為了這個騷、唔敢鬆懈，更要戒口過新年。

女神Nancy Kwai歸綽嶢

當然唔少得Dear Jane！

MC戒油過農曆新年

MC張天賦則表示為了這個騷、唔敢鬆懈，揚言戒油過農曆新年：「怕食太多會影響聲帶，所以今年就『清清地』過年。（呢次騷最特別邊部分？）自己個部分梗係唔講啦，聽聞所有女歌手會跳舞，Dear Jane 同Zpecial仲會Cross Over！（三寶同台？）大家幻想吓啦，到時咪知囉！」