蔡一智謝周潤發令佢開竅勿做「廢6」 生日會炫耀運動教練牌好得戚 show三頭肌撐同路人︰毅力勝年齡

草蜢成員蔡一智本月初60歲生日，他的偶像是周潤發，經典電影《英雄本色》（1986年）Mark哥有一句對白︰「只係想話畀人聽，我唔見咗嘅嘢，我會自己攞番！」阿智受到周潤發的毅力、正面感召，證明毅力可戰勝年齡數字，在生日會上除衫大騷三頭肌老鼠仔。

周潤發一句話令蔡一智「叮」一聲？

蔡一智生日會以「GO OLD WITH THE FLOW」為主題，設計了一系列利是封、Tee和圖畫等周邊產品，分別在香港、台灣舉行巡迴生日Party與歌迷聚會。香港站生日會，拍檔蘇志威驚喜現身。席上阿智展示考獲運動教練證書和樂悠咭，表示：「我覺得能夠順其自然，慢慢老去，係好值得開心嘅事，希望同歌迷分享我踏入甲子嘅喜樂。」同時感謝好朋友、歌迷辦了幾場「登六」生日會，說：「最開心係偶像發哥（周潤發）都同我慶祝生日，佢嘅積極同說話好有力量，我感受到滿滿嘅愛。」

蔡一智60歲了。

蔡一智香港站生日會，拍檔蘇志威驚喜現身。

蔡一智於香港、台灣辦巡迴生日會。

我都想有結實肌肉。

蔡一智擺出代表充滿愛的指定手勢。

蔡一智生日會勁墟冚。

蔡一智展示考獲運動教練證書。

蔡一智在香港、台灣與幾百位歌迷舉行聚會慶祝60歲生辰，除了玩遊戲，也享受與歌迷真情對話，有歌迷表示：「去年我大病，我跟自己說要盡快調理好，要跟草蜢慶祝40、60周年，100歲也跟你們一起。」阿智上前擁抱表示感激和支持，說：「經常有好多歌迷都同我講『我從小就喜歡你啦』，好感動，呢句話入咗腦，所以我寫咗首新歌，曲詞都係我寫，叫做《我從小就喜歡你》，希望盡快錄好，同大家分享。」