星8卦丨“花旦”错嫁破产“伯伯”转名下物业被充公蚀大本
讲起戆居都冇人够“花旦”咁蠢，当日恨嫁，见到“伯伯”一脸老实，谂下自己都一把年纪，大家都系有个曾经嘅人，所以好快就决定结婚。以为两个人可以白头到老，点知嫁咗之后至知“伯伯”啲生意好唔掂，唔驶几年连屋都要卖埋还债，喺爆煲之前“伯伯”同“花旦”话唔想连累佢，所以主动提出离婚。
相关阅读：星8卦丨“才子”耍性格被封冇入息 肯跪低获撑有财有威过新年
“花旦”觉得好无奈，但谂到之后都好烦，虽然唔想大难临头各自飞，都惟有系感情唔系好深嘅时候分开。“花旦”成世人净系识做戏，其他世事嘅认知系零，一心见到“伯伯”连屋都冇得住，所以将一层好平嘅楼过咗畀“伯伯”，等佢有番啲渣拿。点知当时“伯伯”已申请破产，层楼一转咗名就即刻畀政府收咗去拍卖作为还债嘅资产。
相关阅读：星8卦丨“波神”见高拜两副面孔冇本心 被爆恋情唔认怕得罪真金主
“花旦”以为为“伯伯”好，结果眼白白冇咗一个物业，心痛到唔知讲乜好，“伯伯”当然唔好意思，想截住花旦都赶唔切。“花旦”呢种好心又真系泛滥咗啲，佢亦因为呢件事个人变得好冷淡，对好多人都保持距离，话咁样至可以更好保护自己安全㖞！
---------------------------------------------
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
点击以下6大平台 接收加拿大新闻及生活资讯
×