【黃庭桄專欄】賭錢必勝法

豬朋狗友們都喜歡不勞而獲，經常希望以小博大，在賭場殺個片甲不留，贏大錢凱旋回港。

他們各出奇謀，採用自以為必勝的旁門左道方法，浩浩蕩蕩殺入賭場，以圖催旺財運，你猜誰勝誰負呢？

朋友D用了奇門遁甲的卜算法，替自己推算下注的吉時和方位，即使早到了賭場，都會忍手，不輕易落注，直至吉時到，才會小試牛刀，一碰運氣。

朋友F的方法相當市井，為普羅賭仔所樂用，就是揀選賭場的橫門進入，「賭錢係偏門，想發橫財，梗係入橫門啦！」他又似是而非的指着賭場大堂的巨型紅色水晶燈，煞有介事警告：「千祈唔好行去紅燈下面，會吸走晒你啲財運㗎 ！」

閨密S靜悄悄告訴同行的H：「我今日內衣褲都着晒紅色，旺一旺自己，邪一邪個賭場，哈哈！」

肥仔強不知道從哪個玄學師傅學到雕蟲小技，袋住十粒八粒果汁糖，去到賭廳的角落位置，把糖神不知鬼不覺丟在地上，「師傅話作用係派片，等出沒賭場的小鬼同埋駐場地主公，收咗恩惠後，會幫你逢賭必贏，類似五鬼運財咁囉！」

有人會當正自己是數學神童，懂得計算或然率，猶如賭神上身，充滿自信表示：「呢一張大細枱，每隔廿鋪左右，就會開一鋪圍骰，我覺得係時候強攻買圍骰啦！」

其實一個人行起運上來，根本亂買都會贏錢，財神長伴左右，邊度使搞呢搞路吖？

站在賭枱前，每隔一分鐘就會開一個新局，輸掉的籌碼閃速被掃走，肉痛啊！天啊！還是不賭錢，才是必勝法門。