星8卦丨“波神”见高拜两副面孔冇本心 被爆恋情唔认怕得罪真金主
呢个世界,边度有乜嘢男神女神吖,个个都系普通人,杂气满身。好似“波神”过江揾食,凭住身材出位就梗系啦,但点都估唔到靠一把嗲声嗲气嘅口音更加男女都杀。
相关阅读:星8卦丨“硬朗”翻身作成功知名度大增 自抬身价同“前辈”平起平坐被飞有道理
其实佢喺家乡个朵出晒名臭,扮嘢兼冇知识但以为自己与众不同。初初絮到就梗系扮晒嘢,要集纯情同妖媚于一身,对制作人同广告商叫做有新鲜感。好似见到“男主角”就系一副崇拜同尊重,转个头对住啲工作人员黑面又呼呼喝喝,见高拜见低踩大家喺后面藐爆。
相关阅读:星8卦丨“辣椒”争输大场 赖“经理”办事不力唔出粮
当然异性动物唔知咁多嘢,“波神”脚下自然有一大堆兵,任使任用,最近同“鲜鲜”嘅一段感情, 男嘅玩认真,一早就同公司同经理人坦白要公开。点知调转头条女一直阻止,人哋偶像都唔惊,“波神”又惊乜呢!原来咁多年都有一位大金主照顾佢一家大细,所以直到影到至唔可以唔认。
相关阅读:星8卦丨“反骨”畀“阿哥”洗脑自抬身价 经济低迷冇人要两头唔到岸
今次佢得罪制作方好多人都心凉,话佢只不过睇唔起对方至玩失踪,如果有势力有财力佢就仆住去攀缘啦!大家仲闹佢冇本心,唔识饮水思源,初嚟埗到好多帮过佢嘅人都联络唔上佢,因为佢怕烦㖞,改咗电话都冇人知,就算揾到都已读不回,人品真系衰到估佢唔到!
---------------------------------------------
>>>星岛网WhatsApp爆料热线(416)6775679,爆料一经录用,薄酬致意。
>>>立即浏览【生活百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>星岛网WhatsApp爆料热线(416)6775679,爆料一经录用,薄酬致意。
>>>立即浏览【生活百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
×
