又一城連鎖餐廳分區經理被指帶頭性騷擾 女苦主爆返工 4 日性騷擾言行日日新 餐廳發聲明指零容忍 涉事者被停職候查｜Juicy 叮

連鎖韓式餐廳Terrace in seaside又一城分店一名分區經理，被新入職女員工在網上控訴他帶頭性騷擾，首日返工「唔夠幾個鐘」已被改「大波妹」的不雅花名，之後3日，同事「跟風」的性騷擾言行不斷升級，事件在網上引發不少迴響。

該餐廳其後發聲明表示，對任何形式的性騷擾行為零容忍，經過內部調查，涉事職員已被停職及處分。不過，女事主指，未有接獲相關通知，該聲明也未有向其道歉，「我係咪應該得到一個道歉？」事件詳情如下：

又一城連鎖餐廳分區經理被指帶頭性騷擾 女苦主爆返工4日性騷擾言行日日新 餐廳發聲明指零容忍 涉事者被停職候查：↓↓↓↓

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

女事主昨日（5日）在社交平台Threads發表長帖，具體詳述在該餐廳又一城分店，返工4日涉嫌被性騷擾的情況。作為新入職員工的她，在帖文中tag該餐廳，怒問：「點解你又一城分店嘅經理，可以咁唔識尊重人？」她說，「我返工第一日，唔夠幾個鐘就已經俾分區經理Ｘ，改咗花名『大波妹』」，她批評，該分區經理「冇問過我，亦冇尊重我」。

返工第二日，這位分區經理的性騷擾行為被指再升級，女事主說，「返工第二日分區經理Ｘ，將我花名升級做『大波蓮』」，更甚者，女事主表示，其他餐廳內高級職員亦「跟風」：「然後其他高職位啲嘅員工，阿Ｘ同ＸＸ都開始咁樣叫我，完全冇尊重我。」她說，由於高級職員都以「大波蓮」稱呼她，「導致其他唔知我叫咩名嘅同事，都對我用同樣嘅稱呼，我好似冇咗自己個名咁。」

「同我講個波咁大，可以做防撞網」

到第三日，女事主指，性騷擾言行變本加厲，職員之間開始「攞我講笑」，女事主「攞碟」時，有同事「同我講個波咁大，可以做防撞網，好安全唔會跌」。女事主返工第四日，性騷擾情況未有減退，她被加入「員工Group」通訊群組，該分區經理將她加入群組後，「直接將我花名（『大波蓮』），打落報更上面」，至於其他員工雖亦有花名，但是他們「就用返佢哋自己個真名」。

女事主在帖文附有該群組的截圖，顯示其他員工都有中英文名稱呼，唯獨女事主以「大波蓮」被稱呼。女事主怒斥：「你哋係咪冇員工培訓過？唔識尊重人？」帖文在網上引發熱烈迴響，網民直斥涉事餐廳涉嫌性騷擾，紛紛促請女事主向平等機會委員會投訴：「真心去平機會告佢啦，唔可以姑息。」「最憎呢d職場欺凌，頂住，呢度大把人撐你！」

餐廳發聲明：涉事同事已停職及處分

控訴帖文發出後，涉事餐廳Terrace in seaside同日即在社交平台發表聲明，表示對於有同事「在工作期間，以及內部群組受到性騷擾言論。我們對此事非常關注，並對任何形式的性騷擾絕不容忍」。

該餐廳發言人回覆星島稱，公司對事件表示高度關注，並即時安排人事部同事成立獨立調查隊伍，徹查事件。由於事態特殊，公司已即時向一名涉事同事發出警告信，及著其停職候查。公司今日委派人事部同事到分店與各同事會面，了解事件情況；待調查完成後，公司會按結果，考慮是否進一步採取行動，不排除會再作處分。

此外，該餐廳對是次有同事受到冒犯深表歉意，未來將會加強內部培訓，希望每位同事都能夠在安全和互相尊重的環境下工作。發言人透露：「自公司知悉事件後，已先後委派另一分店分區經理，以及人事部同事，嘗試透過電話及短訊與事主聯絡，惟至今仍未獲回覆。公司期望在事主感到安全和舒適的情況下會面，以更全面了解事件，同時為同事提供所需的輔導和支援。」

同場加映：尖沙咀印尼食店老闆辱罵食客：「搵你80幾蚊慘過做雞！」 仲有更進擊回應：↓↓↓↓

尖沙咀印尼食店老闆辱罵食客：「搵你80幾蚊慘過做雞！」 仲有更進擊回應

 

涉事的印尼食店位於彌敦道一棟大廈的3樓，其前身為一間屹立佐敦40年的懷舊印尼餐廳，老店於2016年結業，其後由第二代接手再於現址復開。（google地圖截圖）

 

有食客在網上對該食店留負評，分享今年4月一次光顧的感受指「貼錢買難受」。

 

該食客批評叫的大部分菜式「係得個甜字」。

 

他特別指其中一碟薩摩汁牛肉，「成兜野甜到食唔落」，而且「仲要係用肥牛片。」

 

「炒飯有鑊焦粒，雞絲有D硬，又係甜味。炒四季豆有D生，D參巴醫又係甜。」

 

除食品質素外，該食客又批評店內職員態度。

 

「收銀阿姐態度勁串，只係問佢我哋落咗幾多樣餸，佢就好惡咁掟返畀我哋睇張紙，話你自己睇返叫咗幾多！」

 

「侍應個個好急好忙咁，問佢邊到有水，只係講前面轉左，佢個斟水位又被擋住，最後都係冇斟情願出去買！」

 

店主其後以長文親回，說話相當進擊。

 

店主心水清，記得該食客當晚4個人，埋單$329，「人均消費剛好82蚊左右。」

 

店主：「這個消費額在晚市的尖沙咀區，相信除了M記外都不能做到。」

 

至於被指食物「甜到食唔落」。

 

店主回應：「既然你話「甜到食唔落」，點解你地會食到連汁都一滴不留？(精神錯亂？)」

 

「黑豉油當然是甜的啦，難道會有酸的黑豉油？」

 

對於那碟「薩摩汁牛肉」被指用肥牛片，店主回應：「唔知道你們是否沒有去街市買菜的經驗？請你們調查一下肥牛的每磅成本是多少？肥牛又是否為低下的肉種？」

 

對於店員態度差的指控，店主回應繼續進擊。

 

店主回應：「餐廳忙，侍應梗係忙，忙起上黎答嘢當然會急D。」

 

「不過我同你強調一點，就係我地餐廳無收你加一服務費。」

 

「如果你想要比較好的服務，就建議你去五星酒店。」

 

「佢地服務都非常好，就算你再無理取鬧，佢地都會笑住望住你。(只不過可能會在心裡咒罵你)」

 

對於食客指未能取水，店主仍然心水清。

 

店主：「雖然你（指食客）聲稱唔知水起邊，但係該晚你地又好成功咁去攞水去洗餐具。」

 

最後店主表示：「請你唔好再黎啦，搵你80幾蚊慘過做雞。」

 

該食客其後再回應：「一間連顧客反映真實聲音的店鋪，難怪出品品質同店主同出一轍。」

 

店主繼續進擊：「點都叻過你，我地做一件事可以專注做幾十年。 而你只能匿名連樣都唔敢露岀，起度扭曲事實胡言亂語。 我地打開門做生意，正大光明，有咩怕你？」

 

第二場罵戰在一週前發生，有食客負評該店店員的惡劣態度。

 

食客批評「門口呀姐」態度差，餐廳限時，「如果坐低就要開始計時80分鐘。」

 

「最後都係好唔情願地俾我哋入去搵已經坐低咗嘅朋友，之後每一位入座嘅客人都抱怨門口呀姐好惡趕客。」

 

「食物方面有好有壞。咖央多好食，巴東牛肉都好正宗。不過所有食物嘅調味都偏甜。」

 

「但係米飯唔夠水分非常硬，咬到牙較都軟。」

 

「埋單每位$100。呢個價錢喺佐敦尖沙咀算平。但有其他更好嘅選擇，起碼唔洗受人氣，同埋對個胃都健康啲。」

 

該食客又批評店主「不願接受批評之餘仲要將責任推卸落顧客身上。可能佢哋大把生意，唔志在少咁幾個我呢啲閒人幫襯。」

 

店主就這位食客的負評，再發長文回應，當中有不少金句。

 

「一日做得幾辛苦坦白講也不怕，最怕就係見到你啲咁嘅人咁嘅留言。」

 

「特別反映到好似我哋依啲小店，應該對你所謂客人卑躬屈膝，應該對你雙膝跪地先令你滿意。」

 

「你唔好咁自我中心啦，你要考慮吓人哋其他等位嘅人。」

 

「我接到你依個『客人』算唔算中伏？點解你可以咁自私？」

 

「我咁辛苦做完嘢，一打開電話就見到你講啲咁嘅嘢，你會唔會賠返錢畀我？」

 

「大過啦，成熟啲唔好成個『巨嬰咁』。」

 

店主長文發出後數小時，其後刪走回應，改為道歉。

 

店主道歉：「思前想後，我之前對你的言論實在是非常惡劣。 也不應用工作繁重來做自己態度差劣的藉口。 對你致上萬分抱歉。」

 

店主昨日（18日）再在其官方FB發帖回應事件。

 

「大家脾氣唔好，基本上每一日都會有一個客人對我哋講粗口x我地老母。(完全冇交流之下)」

 

「細佬脾氣口氣，唔係太好。」

 

「代入大家都係打工仔嘅角色，可能我哋好俾心機做完老闆俾的工作，問心無愧去交貨嘅時候，」

 

「老闆竟然回你一句：『屌你啲嘢全部都係甜嘅。同我捱通宵重新做過！』」

 

「咁真係一時之間收唔到怒火，不識大體咁講左啲唔係幾好嘅回應。」

 

「所有嘢都係我哋錯，大家唔好嘈交。」

 

「呢位自修室嘅弟兄，如果你係當事人。我誠意邀請你嚟開個Live ，小弟親自向你斟酒認錯。」

 

「希望大家唔好嘈交。我哋大家都係香港人。有怪莫怪。」

 

 

女事主：我係咪應該得到一個道歉？

女事主在有關聲明帖文下留言，表示餐廳出聲明，但事前無人通知她，「下冇人通知過我喎」，她又點名三位帶同性騷她的高級職員，要求管方具體交代處分方法，「呢三個帶頭笑我毫無道德毫無尊重，呢三個係咪全部都停職處分？停職幾耐？處分係點？」她又不滿聲明未提對她的補償，亦未有向她道歉：「佢哋單方面停職咁對我嘅補償呢？我係咪應該得到一個道歉？」

其後，女事主在社交平台再發帖截圖，指有關餐廳的總經理及所屬的飲食集團人事部嘗試聯絡她，她向網民求助：「我可以點，係咪想過嚟叫我del post（刪帖）。」有網民表示：「可能想搞清楚件事，幫你處理。」另有網民則建議：「如果你覺得自己未識處理，就唔需要答住。」女事主則留言認同：「係呀我都唔知點答...既然佢搵得我，都證明佢已經睇過個post。」

2012年點心師傅叫女收銀「大波蓮」被罰８萬

資料顯示，2012年，一名酒樓點心師傅向女收銀員直呼「大波蓮」及借機拍打右胸，被區域法院裁定酒樓違反《性別歧視條例》，須賠償女收銀員8萬元。 

同場加映：殘奧「雙金」何宛淇疑遭銅鑼灣食肆歧視拒招待 侍應一理由拒輪椅客 何：「唔怪越來越少人喺香港消費！」↓↓↓↓

殘奧「雙金」何宛淇疑遭銅鑼灣食肆歧視拒招待 侍應一理由拒輪椅客 何：「唔怪越來越少人喺香港消費！」

 

巴黎殘奧「雙金」得主何宛淇，在應屆巴黎殘奧，為本港分別在女子個人硬地滾球BC3級，和混合雙人BC3級奪得金牌。

 

她從2歲起，確診先天性脊髓肌肉萎縮症，須以輪椅代步。

 

這位雙金得主昨日（5日）在其社交平台Threads發帖，詳述懷疑被歧視始末。

 

她在帖文中表示：「唔怪越來越少人喺香港消費，依家嘅服務都係咁差。」

 

她說，夜晚去到銅鑼灣，打算去一間泰式食肆食飯。

 

「間舖頭冇乜幾多個客，有咁大個走廊。」

 

誰料，「一去到個門口諗住入去」，即被門口服務人員攔阻。

 

服務人員向她說：「我哋間餐廳冇位俾輪椅。」

 

何宛淇即回應：「我部輪椅好細。」

 

但服務人員仍不放行。

 

服務人員指何「部輪椅會阻住大家行」。

 

何宛淇感到驚訝：「吓？正常埋枱，你仲有好多位。」

 

她隨即表示：「咁唔緊要，我俾網民睇吓夠唔夠。」

 

她在帖文中hashtag「今時今日咁嘅服務態度點得 #hkig #hklifestyle #香港 #hoyuenkei #何宛淇 #共融 #eatwithyuenkei #食好西 #無障礙 #相機食先 #photoeatfirst #foodie #銅鑼灣」

 

何宛淇的帖文引發網民熱議，不少網民批評該食肆涉嫌歧視。

 

網民：「金牌運動員嚟幫襯都唔做生意，睇嚟真係好唔憂做。」

 

網民從何貼出的舖頭相片，認為該餐廳應有足夠空間讓輪椅人士入內。

 

網民：「條路咁闊點會唔夠位？呢啲舖頭快啲執笠。」

 

網民：「你部點會唔得呀，你果部實入到啦，係點安排架姐。」「好闊落喎佢。」

 

網民認為事件可向平機會投訴，「平機會召喚。」「原來呢間鋪唔歡迎輪椅嚟食飯。」

 

根據《殘疾歧視條例》，如負責提供貨品、服務或設施的人，在沒有合理原因下拒絕為殘疾人士提供貨品、服務或設施，或只提供較差的貨品、服務或設施，即屬違法。

 

平機會網頁的資料指出，餐廳職員因你是輪椅使用者，或認為你的輪椅會防礙其他顧客而拒絕你享用他們的服務，或要求你坐在遠離其他顧客的角落，即屬違法。

 

涉事餐廳負責人及經理接受《星島頭條》訪問，就此事件致歉，承認處理上有不足，但強調並無歧視，餐廳一直有招待輪椅人士。

 

涉事餐廳「Ayutthaya」（泰國大城船麵）陳經理表示，他當日有在場。

 

「我喺嗰個（招待何小姐的）員工後面，我執緊枱，都聽到少少。」

 

陳經理講述當時情況，他說：「佢（餐廳職員）都唔係話直接同佢（何小姐）講拒絶佢入嚟。」

 

「佢（餐廳職員）只不過冇問到佢（何小姐），會唔會方便可以落一落嚟，坐近門口少少嘅位。」

 

他表示，餐廳職員希望可以幫她「摺一摺個輪椅」。

 

「擺啲顯眼嘅地方，或者我哋望到嘅地方，就唔係話即係完全係拒絶佢，唔畀佢入嚟。」

 

他強調，絶無「見到啲輪椅就唔入得唔入得」。

 

他指，餐廳一直有招待輪椅人士，周六及周日都有不少老人家坐輪椅光顧，「依家都有輪椅人士喺餐廳。」

 

陳經理表示，當時負責招待何小姐的一名收銀同事。

 

「同埋佢又唔係負責入開枱，可能就唔係好清楚流程」，因此出現今次與何小姐溝通上的誤會。

 

他表示，當他執完枱後，「一行出嚟望到佢（何小姐），我就見到佢已經拎住部手機影緊我哋喇。」

 

「行出去佢（何小姐）已經畀人推走咗。」

 

該餐廳負責人吳嘉雄對事件深感致歉。

 

他強調並無歧視，餐廳一直有接待輪椅人士，他認為事件處理上有不足，溝通有不足，解釋有不足。

 

他表示，何小姐使用的是電動輪椅，而餐廳過去都是處理可摺疊的輪椅。

 

「我哋應該畀佢嘗試入嚟，可以入嚟試......我哋應該嘗試，唔應該有assumption（假定）。」

 

他強調是餐廳處理上有不足，會全面檢討處理輪椅人士的流程。

 

至於會否處分相關員工，吳先生表示：「如果要責罰，應該責罰餐廳，我哋training（培訓）做得唔夠好。」

 

他強調，餐廳一直有接待輪椅人士，絶無歧視。

 

從來也沒有拒絕輪椅人士光顧，「依家都有輪椅人士喺餐廳到食緊嘢。」

 

由於餐廳空間有限，職員會考慮輪椅人士就坐位置的安全性，他指今次是解釋及溝通不足。

 

他現正循多途徑接觸何宛淇，包括在何的社交平台留言，希望盡快聯絡她，向她解釋誤會。

 

他強調該餐廳絶無歧視，他說該餐廳歡迎任何人士光顧，「歡迎佢（何小姐）再嚟。」