屯門老伯不滿男子行得慢推撞 二人瞓地互打俱傷送院 警拘67歲翁

屯門兆安苑青海圍行人天橋樓梯，今（3日）下午近2時，一名37歲姓林男子疑因睇手機行得慢，引起尾隨67歲姓陳老翁不滿。老翁發脾氣推撞男子，男子不忿與老翁爭執，繼而動武。

屯門男子與老翁街頭互毆 打到瞓地

兩人邊糾纏邊落天橋樓梯，讀者提供片段所見兩人於交通燈柱附近糾纏，其後老翁被按在地上，途人見狀紛紛報警求助。警方接報趕至，發現林男頭破血流受傷，而老伯則一度意識模糊，雙雙送院治理，據了解林男後腦有2厘米傷口，需要縫線。經調查後，警方以涉襲擊致造成身體傷害拘捕老伯，案件仍在調查，由屯門警區刑事調查隊跟進。

現場為屯門兆安苑青海圍行人天橋對開。劉漢權攝

警員封鎖現場調查。劉漢權攝

兩人最初於交通燈柱附近糾纏。讀者提供片段

老翁被打至倒地。讀者提供片段

目擊者：阿伯喺樓梯推個後生仔落嚟

目擊事件的鄭先生表示，「當時阿伯喺樓梯推個後生仔落嚟，後生仔肯定反擊啦，無端端俾人推落嚟，阿伯又扯住佢，感覺後生仔唔係咁想打阿伯......兩個人瞓係地下互打，好多人認為個阿伯流血，其實係個後生仔頭流血，阿伯扯住後生仔，被青年撳地成10分鐘，後生仔推開佢，阿伯又再扯住佢。」直至救護員接報到場，老翁才停手，「當時阿伯仲好有力捉住後生仔，唔係昏迷，直至救護員嚟到，阿伯先瞓低。」