粉嶺的士司機疑發晦氣遭乘客毆傷 業界促盡快強制裝車Cam 一原因令新界的士陷「弱勢」
粉嶺發生的士司機疑因收錢時態度不佳，遭乘客毆打事件。網上影片顯示，司機在馬德路One Innovale屋苑閘口落客時，懷疑嫌乘客搭短途車且無提早拿出車資，叫道「快手啦！攞定錢出嚟吖嘛！明知住呢度就！」及後，片中見到的士左搖右晃，疑似發生毆鬥，最後車外有警員叫停結束事件。網上流傳一張疑似司機本人被毆至血流披面相片。
吳坤成戥司機慘：香港環境唔好啲怨氣就發洩人哋身上？
的士車行車主協會永遠會長、的士業議會副主席吳坤成坦言「梗係戥司機慘啦」，反問「香港環境唔好時，啲人嘅怨氣係咪就可以發洩喺人哋身上？」他認為，的士司機在新界較偏僻地方會比較「弱勢」，施襲者或覺得「偏僻地方郁手都唔使負責」，又強調不論是司機抑或乘客的錯，必須嚴懲動手施襲人士，「要罰得重啲先得」。
「無謂激嬲乘客令佢哋情緒唔穩定」
他指看到影片中未見客人有不尋常跡象，形容「找錢問題好小事、好瑣碎」，認為突如其來的拳來腳往對於司機是避無可避。他擔心年近歲晚，擔心分分鐘會有劫案，又呼籲司機與乘客之間保持良好態度「無謂激嬲乘客、令佢哋情緒唔穩定」。
相關新聞：有片｜粉嶺的士司機疑嫌短途收車資發晦氣 遭毆至血流披面 男乘客被捕
指新界地方偏僻 不法之徒乘機打劫
吳坤成呼籲司機小心謹慎，指很多劫案都發生在新界偏僻地方，不法之徒會趁無街燈或第三方，乘機偷竊、搶司機銀包，過往元朗亦有發生過案例，雖已報警惟因天黑而「認唔到人」。
車廂強制裝車Cam後 司機態度也會更好
政府正計劃立法規定所有的士必須安須車廂攝錄機、行車記錄儀及全球衛星導航系統，爭取2025年第二季向立法會提交修例建議，爭取2025年底起安裝，2026年內完成，屆時將實施有關法例。
吳坤成認為，的士車廂強制安裝車Cam很有用，應盡快實行，「你影住佢有圖（影片）有真相，你覺得佢會唔會咁猖獗？」他指現時一般的士擔心違反私隱條例，不敢在車廂內安裝車Cam，但強制後乘客則會知道車內有攝錄、有收音，「啲人做嘢就無咁放肆」，同時司機服務態度也會做得更好，在雙贏下應盡快立法。
相關新聞：
的士司機記分制︱業界指贊成車廂安裝中央雲端攝錄機 政府今年內就立法建議向議會交代
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
